Nehemia 9:14 - Chuukese Bible

¹⁴ Ka asile ngeniir pwe repwe apini om kewe ränin sapat, nge Moses noum we chon angang a ngeniir ekewe allük me pwüüng fän alom.

Nehemia 9:14 Iomraidhean Croise

Keneses 2:3

Iwe, Kot a afeiöchü o apini ewe afisuen rän, pun lon ewe rän a asösö seni an angangen föri läng me fanüfan.

Nehemia 1:8

Kopwe chechemeni ewe kapas ka eäni ngeni noum chon angang Moses, lupwen ka apasa, ‘Are ämi chon Israel ousap allükülük ngeniei, üpwe atoropasakemi lein chon ekewe mwü.

Nehemia 10:32

Iwe, äm aia pwal püsin pwon pwe aipwe püngütiu eu lewalu aunus silifer iteiten ier fän iten angangen imwen äm we Kot:

Ekistos 16:23

Moses a üreniir, “Iei usun mine ewe Samol mi Lapalap a allük pwe lesor eu ränin asösö, eu ränin sapat mi pin fän iten ewe Samol mi Lapalap. Ikenai oupwe umuni mine oua mochen umuni, oupwe pwal kuku mine oua mochen kuku, nge mine a lusun, oupwe iseis ngeni lesor.”

Ekistos 16:29

Oupwe chechemeni pwe ngang ewe Samol mi Lapalap üa ngenikemi ewe ränin sapat, iei mine üa pwal ngenikemi ükükün mongön ruu rän lon ewe awonuen rän. Nge lon ewe afisuen rän eman me eman leimi epwe chök nom lon lenian, esap wor eman epwe towu seni.”

Ekistos 24:12

Iwe, ewe Samol mi Lapalap a üreni Moses, “Kopwe feitä rei won ewe chuk o witiwit ikenan. Pun üpwe ngonuk ekewe fau mi chöpöp üa makei won ekewe allük pwe kopwe aiöü ngeni ekewe aramas.

Isikiel 20:11

Üa ngeniir ai kewe allük o aiti ngeniir ai kewe pwüüng, pwe chokewe mi aleasochisiir repwe manau.

Isikiel 20:12

Üa pwal ngeniir ai kewe ränin sapat pwe eu asisil lefilei me ir, pwe repwe silei pwe ngang ewe Samol mi Lapalap üa apiniir.

Isikiel 20:20

oupwe pwal apiniöchü pinin ai kewe ränin sapat, pwe repwe eu asisil lefilach. Mürin, oupwe silei pwe ngang ewe Samol mi Lapalap ämi we Kot.

Lifitikos 19:3

Iteiten eman me eman epwe meniniti inan me seman. Oupwe pinini ai kewe ränin sapat, pun ngang ewe Samol mi Lapalap ämi we Kot.

Lifitikos 27:34

Iwe, ikkei ekewe allük ewe Samol mi Lapalap a ngeni Moses fän iten ekewe aramasen Israel me won ewe chuk Sinai.

Johannes 1:17

Kot a ngenikich ekewe allük ren Moses, nge ümöümöch me let a torikich ren Jesus Kraist.

Tuteronomi 4:45

Ikkei ekewe pwüüng me allük Moses a asile ngeni ekewe aramasen Israel, lupwen ra towu seni Isip,

Tuteronomi 4:5

Nengeni, üa aiti ngenikemi ekewe allük me pwüüng usun ewe Samol mi Lapalap ai we Kot a allük ngeniei, pwe oupwe apwönüretä lon ewe fanü ämi oupwe le tolong lon pwe oupwe fanüeni.

Tuteronomi 5:31

Nge en Moses kopwe ütä rei ikei. Iwe, üpwe aiti ngonuk ekewe allük me pwüüng meinisin, nge en kopwe aiti ngeni ekewe aramas, pwe repwe apwönüretä me lon ewe fanü üpwe ngeniir pwe fanüer.’