Nehemia 9:13 - Chuukese Bible

¹³ Ka feitiu won ewe chuk Sinai seni läng, ka fos ngeniir o ngeniir ekewe pwüüng mi wenechar me ekewe allük mi pwüng o mürina.

Nehemia 9:13 Iomraidhean Croise

2. King 17:37

Oupwe pwal aleasochisi ekewe pwüüng me allük kana üa makei fän itemi. Ousap fel ngeni pwal ekoch kot.

Esra 7:6

Ei mwän Esra eman soumak mi fokun silei ekewe allük ewe Samol mi Lapalap ewe Koten Israel a ngeni Moses. Iwe, pokiten ewe Samol mi Lapalap an we Kot a ümöümöch ngeni, iei mine ewe king a mwüt ngeni meinisin mine a tüngor.

Kölfel 119:137

Ai Samol mi Lapalap, en ka pwüng, nge om kewe kapwüng ra pwüng.

Kölfel 119:160

Masouen om kewe kapas meinisin a let. Om kewe allük mi pwüng meinisin ra nonom tori feilfeilachök.

Kölfel 119:4

Ai Kot, en ka asile ngenikem om öüröür, pwe aipwe tümwünüöchüür le apwönüetä.

Ekistos 16:23

Moses a üreniir, “Iei usun mine ewe Samol mi Lapalap a allük pwe lesor eu ränin asösö, eu ränin sapat mi pin fän iten ewe Samol mi Lapalap. Ikenai oupwe umuni mine oua mochen umuni, oupwe pwal kuku mine oua mochen kuku, nge mine a lusun, oupwe iseis ngeni lesor.”

Ekistos 19:11

o amoleretä ngeni ewe aülüngatin rän. Pun lon ewe aülüngatin rän ngang ewe Samol mi Lapalap üpwe feitiu won ungen ewe chuk Sinai mwen mesen ekewe aramas meinisin.

Ekistos 20:1

Iwe, ikkei ekewe kapas meinisin Kot a apasa,

Ekistos 20:22

Mürin, ewe Samol mi Lapalap a üreni Moses, “Iei usun mine kopwe eäni kapas ngeni ekewe aramasen Israel: Oua fen püsin küna pwe üa fos ngenikemi seni läng.

Aisea 64:1

Amwo kopwe kamwefeseni läng o feitiu rem. Ekewe chuk repwe chechech me mwom,

Aisea 64:3

Lupwen ka feitiu o föri mettoch mi eniwokus, aisap ekieki usun me mwan pwe kopwe föri, ekewe chuk ra chechech me mwom.

Apakuk 3:3

Kot a feito seni Etom, Ewe mi Unusen Pin a feito seni ewe chukun Paran. An ling a pwölüela ekewe läng, nge fanüfan a ur ren än aramas mwareiti.

Nöün Paulus Toropwe ngeni ekewe Souläng lon Rom 7:16

Iwe, lupwen üa föri mine üsap mochen föri, a pwä pwe üa tipeeu ngeni pwe ewe Allük a pwüng.

Tuteronomi 33:2

Iwe, a apasa, “Ewe Samol mi Lapalap a feito seni ewe chuk Sinai, a saramoto woch seni ewe chuk Seir, a tineto seni ewe chuk Paran, a feito seni ekewe engol ngeröün chon pin, ekkei mi ngetenget a nom lepelifichin.

Tuteronomi 4:33

Ifa usun, mi wor aramas ra rongorong mwelien eman kot seni lon ekkei usun ämi oua rongorong, nge ra chüen manau?

Tuteronomi 4:36

A aronga ngenikemi mwelian seni läng pwe epwe emiritikemi. Nge won fanüfan a aküna ngenikemi an ekkei mi lapalap, oua pwal rongorong an kapasowu me lon ewe ekkei.

Tuteronomi 4:8

Nge meni mwü mi watte a wor an allük me pwüüng mi fokun pwüngüöch, usun ekei allük meinisin üa aiti ngenikemi ikenai?”

Tuteronomi 5:4

Iwe, ewe Samol mi Lapalap a fos newenewen ngenikemi me won ewe chuk seni lukalapen ewe ekkei.