Nehemia 9:12 - Chuukese Bible

¹² Iwe, ka emweniir lerän ren eu ürekuchu, nge lepwin ka emweniir ren eu üreekkei, pwe epwe saram ewe al repwe fetal won.

Nehemia 9:12 Iomraidhean Croise

Nehemia 9:19

Pokiten ka fokun ümöümöch, kosap likitirela lon ewe fanüapö. Ewe ürekuchu mi emweniir won ewe al esap sü seniir lerän, nge ewe üreekkei, a asarama ewe al repwe fetal won, esap sü seniir lepwin.

Kölfel 105:39

Kot a anomu eu kuchu wor pwe pwölüpwölür, pwal eu ekkei, pwe epwe asarameer lepwin.

Kölfel 107:7

A emwenirela won efoch al mi wenechar tori ra tori eu telinimw pwe repwe imweimw lon.

Kölfel 143:8

Iteiten lesosor kopwe pwäri ngeniei om tong ellet, pun üa anomu ai apilükülük womw. Kopwe aiti ngeniei ewe al üpwe fetal won, pun üa suki ngonuk lelukei.

Kölfel 78:14

Lerän a emweniir ren eu kuchu, nge lepwin a emweniir ren ekkei mi saramaram.

Ekistos 15:13

Lon om tong ellet ka emweni ekewe aramas ka amanaueer, ka emwenirela ren om pöchökül ngeni leniom mi pin.

Isikiel 20:6

Lon ewe rän üa pwon fän akapel ngeniir, pwe üpwe emwenirewu seni ewe fanü Isip o emwenirelong lon eu fanü üa fili fän iter, eu fanü mi mürina seni meinisin, eu fanü mi pwülüöch o fanüeräs.

Numperis 9:16

Iei usun a fis fansoun meinisin. Ewe kuchu a pwölüela ewe imwenfel seni mangaku lerän, nge lepwin a usun chök ekkei.

Numperis 9:21

Iwe, lon ekoch fansoun ewe kuchu a chök üla seni lekuniol tori lesosor. Nge lesosor, lupwen ewe kuchu a wiitä, ra sai. Ika mwo lerän ika lepwin, lupwen ewe kuchu a wiitä, ra sai.

Tuteronomi 1:33

ewe a akom mwemi lon ewe al, pwe epwe kütta eu leni ia oupwe aüetä imwemi imw mangaku ie. Iwe, a akom mwemi lon ekkei lepwin, pwe epwe aiti ngenikemi ewe al oupwe fetal won, a pwal akom mwemi lon ewe kuchu lerän.”