Nehemia 9:11 - Chuukese Bible

¹¹ Ka kinifeseni ewe matau me mwer pwe ra tongeni pwerelong lukalapan won pwasapwas, nge ka aturalong ekewe chon tapweriir le alololun ewe matau, usun eföü fau a turulong lon eu matau mi öütöüt.

Nehemia 9:11 Iomraidhean Croise

Kölfel 66:6

A awili matau ngeni fanüpwas. Äm kewe lewo ra fetal lon ewe chanpupu won pecher. Ikenan äm aia pwapwa ren mine Kot a föri.

Kölfel 78:13

A kinifeseni ewe matau o emwenirela tori epek, a föri pwe ekewe koluk ra ütä usun chök eu tit.

Ekistos 14:14

Ewe Samol mi Lapalap epwe fiu fän itemi, nge ämi oupwe chök fanafanala.”

Ekistos 14:25

pun a mwöch willen war woken, pwe ra weires le kul. Iwe, ekewe re Isip ra apasa, “Ousipwe sü seniir, pun ewe Samol mi Lapalap a peni chon Israel o fiu ngenikich.”

Ekistos 14:29

Iwe, ekewe aramasen Israel ra fetal won pwasapwas epin ewe sät, nge ewe lölö a usun chök etip lepelifichir me lepelimöngür.

Jeremaia 32:20

Me lom ka föri asisil me manaman me lon ewe fanü Isip. Nge tori ikenai ka chüen föriir me lon Israel pwal me lein chon ekewe mwü meinisin. Iei mine ikenai itom a iteföüla ekis meinisin.

1. Korint 10:1

Ämi pwii kana, üa mochen ämi oupwe chechemeni mine a fis ngeni ach kewe lewo lupwen Moses a emweniir. Ir meinisin ra nom fän tümwünün ewe kuchu o pwerela pekilan ewe Setipar.

Ipru 11:29

Ren än ekewe chon Israel lükü, ra tolong o fetalela epek ewe Setipar usun chök ar fetal won fanü mi pwasapwas. Nge lupwen ekewe chon Isip ra sotuni ar repwe föri iei usun, ewe sät a amopuretiu.

Pwärätä 18:21

Mürin eman chon läng mi pöchökül a ekietä eföü fau mi wewe ngeni eföü föün föir mi watte, a aturätiu lon ewe matau o apasa, “Iei usun en Papilon, ewe telinimw mi watte, kopwe fokun koturfochofochotiu fän pöchökül, o kosap chüen pwäsefäl.