Nehemia 9:10 - Chuukese Bible

¹⁰ Ka föri asisil me manaman o afeiengaua Farao me nöün kewe nöüwis meinisin, pwal aramasen fanüan meinisin, pun ka silei pwe ra ariaföüü äm kewe lewo fän lamalamtekia. Ren ei föför itom a iteföüla tori ikenai.

Nehemia 9:10 Iomraidhean Croise

Nehemia 9:16

Nge äm kewe lewo ra lamalamtekia o tipepöchökül, resap aleasochisi om kewe allük.

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Kölfel 83:18

Iwe, repwe silei pwe en ewe mi iteni Samol mi Lapalap, en chök Ewe mi Unusen Tekia won unusen fanüfan.

Ekistos 18:11

Iei üa silei pwe ewe Samol mi Lapalap a tekia seni ekewe kot meinisin, pun a angasa ekewe aramasen Israel seni lepöün chon Isip, lupwen ra turunufaseer.”

Ekistos 3:20

Iei mine üpwe aitiela pei o afeiengaua chon Isip ren ekewe manaman meinisin ngang üpwe afisätä lefiler. Mürin epwe mwüt ngenikemi pwe oupwe feila.

Ekistos 5:2

Nge Farao a pälüeniir, “Iö na ewe Samol mi Lapalap pwe üpwe aüselinga alon o mwütala Israel? Üsap silei ewe Samol mi Lapalap, üsap pwal mwüt ngeni Israel epwe feila.”

Ekistos 7:1

Mürin, ewe Samol mi Lapalap a üreni Moses, “Nengeni, üpwe awisok pwe kopwe usun chök eman kot ngeni Farao, nge Aaron pwiüm we epwe usun chök noum soufos.

Ekistos 9:16

Nge üa mwüt ngonuk pwe kopwe manau tori ikenai, pwe üpwe pwäri ngonuk ai manaman, pwe itei epwe föüla won unusen fanüfan.

Aisea 42:20

Israel, ka küna chomong mettoch, nge kosap tümwünü. Ka aü selingom, nge kosap rongorong.”

Aisea 63:12

ewe Kot mi atufichi Moses ren an manaman mi amwarar o kinifeseni ewe matau me mwer, pwe itan epwe ling ren tori feilfeilachök,

Aisea 63:14

Iwe, Ngünün ewe Samol mi Lapalap a asösöör, usun eu pwiin kow a feitiu lon eu lemol pwe epwe asösö. Iei usun a emweni nöün aramas pwe itan epwe ling ren.”

Jeremaia 32:20

Me lom ka föri asisil me manaman me lon ewe fanü Isip. Nge tori ikenai ka chüen föriir me lon Israel pwal me lein chon ekewe mwü meinisin. Iei mine ikenai itom a iteföüla ekis meinisin.

Isikiel 20:9

Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü ia ra wasöla ie. Pun üa fen asile ngeni chon Israel me fän mesen ekewe mwü, pwe üpwe emwenirewu seni ewe fanü Isip.

Taniel 4:37

Iei mine ngang Nepukatnesar üpwe mwareiti o asamolu ewe Kingen Läng, üpwe pwal alinga i. An föför ra let o pwüng, nge a atekisona chokewe mi eäni lamalamtekia.”

Taniel 5:23

Ka ü ngeni ewe Samolun läng ren om apasa pwe repwe uwato reöm ekewe kapen lon an Imwenfel. Iwe, en me noum kewe samol, pwülüom me ülüpwülüom kana oua pwal aea le ün wain. Iwe, ka mwareiti ekewe uluulun kot mi för seni silifer me kolt, pwal seni piras, mächä, irä me fau, ekewe uluulun kot resap tongeni küna och ika rongorong ika memef. Nge kosap asamolu ewe Kot mi amwöchü manauom o silei om föför meinisin.

Taniel 9:15

Äm Samol me äm Kot, ka emwenawu noum aramas seni lon ewe fanü Isip ren om manaman, ka pwal iteföüla ren tori ikenai. Iei äm aia pwärätä pwe aia tipis ngonuk o föri mine a ngau.

Föför 7:36

Moses a emwenawu ekewe aramas seni Isip, a föri manaman me asisil lon Isip, arun ewe Setipar, pwal lon ewe fanüapö lon ükükün faik ier.

Nöün Paulus Toropwe ngeni ekewe Souläng lon Rom 9:17

Pun iei usun mine a mak lon ewe Toropwe mi Pin fän iten ewe kingen Isip, “Üa awisa ngonuk ewe wisen king pwe üpwe nöünöü en le pwärala ai manaman, pwe itei epwe föüla won unusen fanüfan.”

Tuteronomi 4:34

Are ifa usun, mi wor eman kot a fen sotuni le feito o angeawu eu mwichen aramas seni eu mwü fän püsin itan ren asisil me manaman, ren maun, ren pöün mi manaman o aköüpöü, pwal ren watten föför mi eniwokus, usun ewe Samol mi Lapalap ämi we Kot a föri fän itemi lon Isip me fän mesemi?

Tuteronomi 7:19

Oupwe chechemeni ekewe feiengau mi watte oua küna ren mesemi, ekewe asisil me manaman, pwal än ewe Samol mi Lapalap emwenikemiiwu ren pöün mi manaman o aköüpöü. Ewe Samol mi Lapalap ämi we Kot epwe föri ngeni ekewe aramas meinisin oua niuokusitiir usun mine a fen föri ngeni chon Isip.

1. Petrus 5:5

Ina usun pwal ämi alüal kana, oupwe aleasochisi ekewe chinlap. Ämi meinisin oupwe fokun eäni tipetekison lon ämi alilisfengen lefilemi. Pun a mak lon ekewe Toropwe mi Pin, “Kot a ü ngeni chon lamalamtekia kana, nge a ümöümöch ngeni chon tipetekison kana.”