Nehemia 9:1 - Chuukese Bible

¹ Iwe, lon rüe me rüanün ränin ei chök maram ekewe aramasen Israel ra mwichefengen, ra echikefel o üföüf üf seni tuk, ra pwal tukotuketä pwül won mökürer pwe asisilen ar letipeta pokiten ar tipis.

Nehemia 9:1 Iomraidhean Croise

2. Samuel 1:2

Nge lon aülüngatin rän eman mwän a feito seni ewe leni ia nöün Saul mwichen sounfiu ra nom ie. Iwe, üfan a kam, a pwal wor pwül won möküran, asisilen an letipeta. Lupwen a feito ren Tafit, a chapetiu lepwül o asamolu.

2. Kronika 20:3

Mürin, Jehosafat a niuokus, a kütta öüröüran me ren ewe Samol mi Lapalap o asilefeili eu ränin echikefel lemenen unusen ewe fanü Juta.

2. Kronika 7:10

Iwe, lon rüe me ülüngatin ränin ewe afisuen maram Salomon a afeilai ekewe aramas ngeni lenier. Ra feila fän meseik me pwapwan leluker pokiten ekewe feiöch meinisin ewe Samol mi Lapalap a fang ngeni Tafit me Salomon, pwal ngeni nöün aramasen Israel.

Esra 8:21

Mürin üa asilefeili me arun ewe chanpupu Ahawa pwe epwe fis eu ränin echikefel, pwe aipwe atekisonakem me fän mesen äm we Kot o tüngor ngeni pwe epwe emwenikem lon äm sai o tümwünükem me nöüm pwal pisekim meinisin.

Esra 8:23

Iei mine aia echikefel o tüngormau ngeni äm Kot pwe epwe tümwünükem. Iwe, a aüselinga äm iotek.

Nehemia 8:2

Lon aeuin ränin ewe afisuen maram ewe souasor Esra a uwato ewe puken allük me mwen ewe mwichen aramas, ir ekewe mwän me fefin, pwal semirit meinisin mi tongeni weweiti.

Ester 4:16

“Kopwe feila o achufengeni ekewe chon Juta mi nom lon Susa o echikefel fän itei. Ousap mongö ika ün lerän me lepwin lon ükükün ülüngat rän. Nge ngang me nei chon angang fefin aipwe pwal echikefel usun ämi. Mürin üpwe feila ren ewe king, inamwo ika üpwe purätiu ewe allük. Iwe, ika üpwe mäla, üpwe chök mäla.”

Ester 4:3

Iwe, lon iteiten sop meinisin ia än ewe king allük a tori ie, a fis letipeta lein ekewe chon Juta. Ra echikefel, ra kechü o ngüngüres, nge chomong leir ra üföüf üf seni tuk o mot lon falangen ekkei.

Hiop 2:12

Nge lupwen ra küna Hiop me toau, resap chüen silleni. Iwe, ra alapatä mwelier o kechü. Ra kamwei üfer fän ar letipeta o amoromorätiu pwül won mökürer.

Aisea 22:12

Lon ewe fansoun Kot ewe Samol mi Unusen Manaman a ürenikemi pwe oupwe kechü o ngüngüres, oupwe pwal fichi möküremi o üföüf üf seni tuk.

Sowel 2:12

Iwe, ewe Samol mi Lapalap a apasa, “Iei otun oupwe kul ngeniei seni unusen letipemi fän echikefel, fän kechü me ngüngüres.

Lifitikos 23:34

fän iten ekewe aramasen Israel: Lon engol me limuen ränin ewe afisuen maram epwe fis ewe chulapen likachoch ngeni ewe Samol mi Lapalap lon ükükün fisu rän.

Lifitikos 23:39

Nge lon engol me limuen ränin ewe afisuen maram, lupwen oua wes me ionifengeni uän fanüemi, oupwe pwal föri eu chulap ngeni ewe Samol mi Lapalap lon ükükün fisu rän. Iwe, ewe aeuin rän epwe eu ränin asösö mi pin, nge ewe awaluen rän epwe pwal eu ränin asösö mi pin.

Josua 7:6

Mürin, Josua me ekewe souakomwen Israel ra kamwei üfer, ra chapetiu lepwül mwen än ewe Samol mi Lapalap we pworofel tori lekuniol. Ra pwal tukotuketä won mökürer pwül moromor pwe asisilen ar letipeta.

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”

Soukapwüng 20:26

Mürin, ekewe aramasen Israel meinisin ra feila Petel. Ikenan ra mot o kechü fän mesen ewe Samol mi Lapalap o achuun lon ewe rän tori lekuniol, ra pwal eäni asoren kek me asoren kinamwe fän mesen ewe Samol mi Lapalap.

1. Samuel 4:12

Lon ewe chök ränin eman re Peniamin a sä seni ewe lenien maun o tori Silo fän üfan mi kamwakam, a pwal wor pwül won möküran.

1. Samuel 7:6

Iei mine ra mwichfengen lon Mispa. Iwe, ra üfi koluk o ninätiu me mwen ewe Samol mi Lapalap, ra pwal echikefel lon ewe ränin o pwärätä, “Äm aia tipis ngeni ewe Samol mi Lapalap.” Iwe, Samuel a soukapwüngün Israel lon Mispa.