Nehemia 8:9 - Chuukese Bible

⁹ Iwe, lupwen ekewe aramas ra rongorong kapasen ewe allük, a mwökütüküt letiper pwe ra kechü. Iei mine ewe kepina Nehemia, ewe souasor Esra, i ewe sousile allük, me ekewe mwän seni ewe ainangen Lefi mi aiti ngeni ekewe aramas ewe allük ra üreni ekewe aramas meinisin, “Ei rän a pin fän iten ewe Samol mi Lapalap äm we Kot. Ousap letipeta ika kechü.”

Nehemia 8:9 Iomraidhean Croise

2. King 22:11

Nge lupwen ewe king a rongorong kapasen ewe puken allük, a kamwei üfan fän an letipeta.

2. King 22:19

ka pwal apwetetei lelukom o atekisonok me fän mesei, lupwen ka rongorong mine üa apasa usun feiengauen ei leni, pwal usun feiengauen aramasan, pwe repwe wiliti och minen eniwokus me anümamau. Iwe, ka kamwei üfom o kechü fän mesei, iei popun ngang üa pwal aüselinga om iotek.

2. Kronika 15:3

Fansoun langatam esap wor än chon Israel Kot mi wesewesen Kot, esap wor nöür souasor mi afalafaleer, esap pwal wor ar allük.

2. Kronika 30:22

Iwe, Hiskia a apöchöküla leluken ekewe mwän seni ewe ainangen Lefi mi sipeöch le angang ngeni ewe Samol mi Lapalap. Ekewe aramas ra mongö wiser mongö lon ükükün fisu rän seni ekewe asoren kinamwe ra eäni asor, ra pwal kilisou ngeni ewe Samol mi Lapalap än ar kewe lewo we Kot.

2. Kronika 34:19

Nge lupwen ewe king a rong kapasen ewe puken allük, a kamwei üfan fän an letipeta.

2. Kronika 34:21

“Oupwe feila, oupwe aisini ewe Samol mi Lapalap fän itei, pwal fän iten chokewe mi chüen manau lon Israel me Juta usun ekewe kapas mi mak lon ei puk ra küna. Pun än ewe Samol mi Lapalap song a fokun watte ngenikich, pokiten ach kewe lewo resap aleasochisi alon, pwe repwe föri meinisin mine a mak lon ei puk.”

2. Kronika 35:3

Iwe, a üreni ekewe mwän seni ewe ainangen Lefi mi aiti ngeni chon Israel meinisin än Kot kapas, ir ätekewe mi pin fän iten ewe Samol mi Lapalap, “Oupwe uwalong ewe pworofel lon ewe imwenfel Salomon nöün Tafit ewe kingen Israel we mwän a aüetä. Ousap chüen mwäreefetalei ei pworofel won afaremi. Iei oupwe angang ngeni ewe Samol mi Lapalap ämi we Kot, pwal ngeni nöün aramasen Israel.

Esra 2:63

Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim .

Esra 7:11

Iwe, iei masouen ewe toropwe ewe king Artaksasta a ngeni ewe souasor Esra, i ewe soumak mi silelapei än ewe Samol mi Lapalap kewe allük me pwüüng fän iten chon Israel,

Nehemia 10:1

Iwe, ikkei iten chokewe mi saini iter: Ewe kepina Nehemia nöün Hakalia we mwän me Setekia.

Nehemia 12:26

Ätekei ra föri ar angang lon ränin manauen Joiakim nöün Jesua we mwän, nge Jesua nöün Jehosatak, lon ränin manauen ewe kepina Nehemia, pwal lon ränin manauen ewe souasor Esra ewe sousile allük.

Nehemia 7:65

Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim .

Nehemia 7:70

Iwe, chomong lein ekewe aramas ra fangala pisek ngeni angangen ewe imwenfel: Ewe kepina a fangala ina epwe ükükün engol me tiu paun kolt, lime sepi me limepükü ilik üfen souasor.

Nehemia 8:2

Lon aeuin ränin ewe afisuen maram ewe souasor Esra a uwato ewe puken allük me mwen ewe mwichen aramas, ir ekewe mwän me fefin, pwal semirit meinisin mi tongeni weweiti.

Än Salomon Afalafal 3:4

A wor fansoun kechü pwal fansoun takir, a wor fansoun lolilen pwal fansoun pwörük.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Osea 4:6

Nei aramas ra feiengau, pun resap wesewesen sileei. Pokiten oua oput ämi oupwe sileei, ngang üpwe pwal oput ämi oupwe nei souasor. Pokiten oua manlükala ewe allük än ämi we Kot, ngang üpwe pwal manlükala nöümi kewe.

Lifitikos 23:24

pwe epwe üreni ekewe aramasen Israel: Lon aeuin ränin ewe afisuen maram oupwe afisi eu ränin asösö mi pin, eu ränin achem fiti tikin rappwa, eu fansoun mwich mi pin.

Malakai 2:13

Iwe, mi pwal wor och oua föri: Oua achöchönü än ewe Samol mi Lapalap rongen asor ren chönün mesemi, ren kechü me ngüngüres, pun i esap chüen ekieki ekewe asor ika etiweer seni lepöümi.

Nöün Paulus Toropwe ngeni ekewe Souläng lon Rom 3:20

Pun esap wor eman aramas epwe küna pwüng ren an apwönüetä pwüngün ekewe Allük. Nge mine ekewe Allük ra föri, ra aiti ngeni aramas pwe ra tipis.

Nöün Paulus Toropwe ngeni ekewe Souläng lon Rom 7:9

Me lom üa manau lupwen esamwo wor allük mi aiti ngeniei pwe a tipis ai föri föför mi ngau. Nge lupwen üa silei ewe allük, tipis a popuetä le nemenem.

Tuteronomi 12:12

Iwe, oupwe pwapwa fän mesen ewe Samol mi Lapalap ämi we Kot, ämi me nöümi mwän me nöümi fefin, nöümi chon angang mwän me chon angang fefin, pwal ekewe mwän seni ewe ainangen Lefi mi nom lon ämi kewe telinimw, pun esap wor fanüer me wiser remi.

Tuteronomi 12:7

Iwe, ikenan oupwe mongö me fän mesen ewe Samol mi Lapalap ämi we Kot, oupwe pwal pwapwa me chon leimwemi ren meinisin mine oupwe föri, pun ewe Samol mi Lapalap ämi we Kot a afeiöchükemi.

Tuteronomi 16:11

Iwe, oupwe pwapwa me fän mesen ewe Samol mi Lapalap ämi we Kot lon ewe leni epwe filätä pwe aramas repwe fel ngeni ie, ämi me nöümi mwän me fefin, nöümi chon angang mwän me chon angang fefin, pwal chon ewe ainangen Lefi mi nom lon ämi kewe telinimw, ekewe chon ekis, ekewe mi mäsen me ekewe fefin mi mä pwülüer ra nom leimi.

Tuteronomi 26:14

Üsap mongö seni ewe eu leengol lupwen üa letipeta, üsap pwal amwökütü och seni lupwen üa limengau, ika eäni asor och seni ngeni somä. Üa aleasochisi alom, en ai Samol mi Lapalap, o föri meinisin mine ka allük ngeniei.

James 4:9

Oupwe letipeta, oupwe kechü o ngüngüres. Oupwe siwili ämi takir ngeni kechü, pwal ämi pwapwa ngeni lolilen!