Nehemia 8:7 - Chuukese Bible

⁷ Mürin, ekewe aramas ra ütä lon en me lenian, nge ekewe mwän seni ewe ainangen Lefi iter Jesua, Pani, Serepia, Jamin, Akup, Sapetai, Hotia, Maseia, Kelita, Asaria, Josapat, Hanan me Pelaia ra awewei ngeniir ewe allük.

Nehemia 8:7 Iomraidhean Croise

1. King 8:14

Iwe, ekewe aramasen Israel meinisin ra ütä, nge ewe king a kulu ngeniir o afeiöchüür.

2. Kronika 30:22

Iwe, Hiskia a apöchöküla leluken ekewe mwän seni ewe ainangen Lefi mi sipeöch le angang ngeni ewe Samol mi Lapalap. Ekewe aramas ra mongö wiser mongö lon ükükün fisu rän seni ekewe asoren kinamwe ra eäni asor, ra pwal kilisou ngeni ewe Samol mi Lapalap än ar kewe lewo we Kot.

2. Kronika 35:3

Iwe, a üreni ekewe mwän seni ewe ainangen Lefi mi aiti ngeni chon Israel meinisin än Kot kapas, ir ätekewe mi pin fän iten ewe Samol mi Lapalap, “Oupwe uwalong ewe pworofel lon ewe imwenfel Salomon nöün Tafit ewe kingen Israel we mwän a aüetä. Ousap chüen mwäreefetalei ei pworofel won afaremi. Iei oupwe angang ngeni ewe Samol mi Lapalap ämi we Kot, pwal ngeni nöün aramasen Israel.

Esra 8:18

Iwe, pokiten äm we Kot a ümöümöch ngenikem, ra tinato rem eman mwän mi sipeöch le angang itan Serepia fiti nöün kewe mwän me aramasan ükükün engol me waluman. Iwe, Serepia eman mwirimwirin Mali, nge Mali nöün Lefi, nge Lefi nöün Israel.

Nehemia 10:18

Hotia, Hasum me Pesai,

Nehemia 10:2

Pwal ekei souasor iter: Seraia, Asaria me Jeremaia,

Nehemia 11:16

Iwe, Sapetai me Josapat ir samolun ekewe mwän seni ewe ainangen Lefi, ra wisen nemeni angangen ünükün ewe imwen Kot.

Nehemia 11:19

Iwe, iten ekewe chon mamasa asamalapen imwenfel Akup me Talmon fiti märärir kewe ükükün ipükü fik me ruoman.

Nehemia 12:33

pwal Asaria, Esra me Mesulam,

Nehemia 3:17

Ikkei iten ekewe mwän seni ewe ainangen Lefi mi senisefälietä ekoch kinikinin ewe tit: Rehum nöün Pani we mwän a senisefälietä ewe kinikin ünükün senien Nehemia. Nge Hasapia ewe sounemenemen esopun ewe fanü Keila, a senisefälietä ewe kinikin ünükün fän iten aramasen fanüan.

Nehemia 3:19

Nge Eser nöün Jesua we mwän, ewe sounemenemen Mispa, a senisefälietä pwal eu kinikin ünükün awenewenen ewe al mi feitä ngeni ewe imwen iseis pisekin maun tori pwokukun ewe tit.

Nehemia 3:23

Peniamin me Hasup ra senisefälietä ewe kinikin awenewenen imwer. Nge Asaria nöün Maseia we mwän, nge Maseia nöün Anania, a senisefälietä ewe kinikin ünükün imwan.

Nehemia 8:12

Mürin, ekewe aramas meinisin ra liwiniti en me lenian, ra mongö o ün fän watten pwapwa, ra pwal tinala och ngeni chokewe esap wor ener, pun ra weweiti ekewe kapas ra rongorong.

Nehemia 8:4

Nge Esra a ütä won eu lenien afalafal mi för seni irä, ra föri fän iten ei popun. Iwe, Matitia, Sema, Anaia, Uria, Hilkia me Maseia ra ü ünükün me lepelifichin. Nge Petaia, Misael, Malkia, Hasum, Haspatana, Sekaria me Mesulam ra ü ünükün me lepelimöngün.

Nehemia 8:6

Esra a mwareiti ewe Samol mi Lapalap ewe Kot mi Tekia, nge ekewe aramas meinisin ra aitietä pöür o apasa, “Amen, Amen.” Iwe, ra rotiu, ra chapetiu lepwül o fel ngeni ewe Samol mi Lapalap.

Nehemia 8:8

Ra aleaniöchü ewe puken allük än Kot, ra aföüü o aweweni, pwe ekewe aramas ra tongeni weweiti.

Nehemia 9:3

Lon ükükün ülüngat kulok ra ütä won lenier, lupwen än ewe Samol mi Lapalap ar we Kot puken allük a alea ngeniir, nge lon pwal ükükün ülüngat kulok ra pwärätä ar tipis o fel ngeni ewe Samol mi Lapalap ar we Kot.

Nehemia 9:4

Mi wor eu leni mi ekis tekia fän iten ekewe mwän seni ewe ainangen Lefi, ia Jesua, Pani, Katmiel, Sepania, Puni, Serepia, Pani me Chenani ra ütä ie. Ra leüömong le iotek ngeni ewe Samol mi Lapalap ar we Kot.

Lifitikos 10:11

Oupwe pwal aiöü ngeni ekewe aramasen Israel ekewe allük meinisin ngang ewe Samol mi Lapalap üa ngeni Moses pwe epwe aiti ngeniir.”

Malakai 2:7

Pun wisen eman souasor, epwe aiti ngeni aramas mine repwe silei Kot ren. Repwe feito ren pwe repwe kaiö seni, pun i eman chon künö nöün ewe Samol mi Unusen Manaman.

Tuteronomi 33:10

Iwe, repwe aiti ngeni ekewe mwirimwirin Jakop om pwüng, pwal ngeni ekewe chon Israel om allük. Repwe iseis apach mi pwokus fän mesom o eäni asoren kek won om rongen asor.