Nehemia 8:6 - Chuukese Bible

⁶ Esra a mwareiti ewe Samol mi Lapalap ewe Kot mi Tekia, nge ekewe aramas meinisin ra aitietä pöür o apasa, “Amen, Amen.” Iwe, ra rotiu, ra chapetiu lepwül o fel ngeni ewe Samol mi Lapalap.

Nehemia 8:6 Iomraidhean Croise

Keneses 14:22

Nge Apram a üreni ewe kingen Sotom, “Üa akapel ngeni ewe Samol mi Lapalap, ewe Kot mi Unusen Tekia, a föri läng me fanüfan,

Keneses 24:26

Mürin, ewe mwän a chapetiu lepwül o fel ngeni ewe Samol mi Lapalap.

1. Kronika 16:36

Oupwe mwareiti ewe Samol mi Lapalap ewe Koten Israel seni fansoun esepop tori fansoun esemüch.” Mürin, ekewe aramas ra apasa, “Amen”, o mwareiti ewe Samol mi Lapalap.

1. Kronika 29:10

Iwe, Tafit a mwareiti ewe Samol mi Lapalap me fän mesen ewe mwichen aramas meinisin o üra, “Üpwe mwareituk, ai Samol mi Lapalap, en än äm we lewo Jakop we Kot tori feilfeilachök.

1. Kronika 29:20

Mürin, Tafit a üreni ewe mwichen aramas meinisin, “Oupwe mwareiti ewe Samol mi Lapalap ämi we Kot.” Iwe, unusen ewe mwichen aramas ra mwareiti ewe Samol mi Lapalap än ar kewe lewo we Kot, ra rotiu o fel ngeni ewe Samol mi Lapalap, ra pwal asamolu ewe king.

2. Kronika 20:18

Mürin, Jehosafat a chapetiu lepwül, nge chon Juta me chon Jerusalem meinisin ra pwal chapetiu me fän mesen ewe Samol mi Lapalap o fel ngeni.

2. Kronika 29:10

Iwe, iei ekiekin lelukei, pwe üpwe föri eu pwon ngeni ewe Samol mi Lapalap ewe Koten Israel, pwe esap chüen song ngenikich.

2. Kronika 29:30

Iwe, ewe king Hiskia me nöün kewe nöüwis ra allük ngeni ekewe mwän seni ewe ainangen Lefi, pwe repwe kölün mwareiti ewe Samol mi Lapalap ren ekewe köl Tafit me ewe soufos Asaf ra föri. Iei usun ra kölün mwareiti Kot fän pwapwa, ra chapetiu o fel ngeni.

2. Kronika 6:4

Mürin a apasa, “Üpwe mwareiti ewe Samol mi Lapalap ewe Koten Israel mi apwönüetä mine a eäni pwon ngeni Tafit semei we, lupwen a üra,

Nehemia 5:13

Üa pwal äsupu pipin lenumun üfei o üra, “Iei usun Kot epwe äsupala iteiten eman me eman aramas seni lon imwan me lenian, ika esap apwönüetä ei pwon. Amwo epwe morotiu o pöla iei usun.” Iwe, unusen ewe mwichen aramas ra apasa “Amen”, ra pwal mwareiti ewe Samol mi Lapalap. Nge ekewe nöüwis ra föri usun mine ra eäni pwon.

Nehemia 8:7

Mürin, ekewe aramas ra ütä lon en me lenian, nge ekewe mwän seni ewe ainangen Lefi iter Jesua, Pani, Serepia, Jamin, Akup, Sapetai, Hotia, Maseia, Kelita, Asaria, Josapat, Hanan me Pelaia ra awewei ngeniir ewe allük.

Kölfel 134:2

Oupwe aitietä pöümi lon ämi iotek ngeni ewe leni mi pin o mwareiti ewe Samol mi Lapalap.

Kölfel 141:2

Ai iotek epwe wewe ngeni eu asoren apach mi pwokus me mwom, ai aitietä pei epwe wewe ngeni eu asoren lekuniol.

Kölfel 28:2

Kopwe rongorong kapasen ai tüngor, lupwen üa siö ngonuk. Kopwe alisiei, lupwen üa aitietä pei ngeni imwom mi unusen pin.

Kölfel 41:13

Oupwe mwareiti ewe Samol mi Lapalap ewe Koten Israel seni lomlom tori feilfeilachök. Amen, Amen.

Kölfel 63:4

Iwe, üpwe kilisou ngonuk lon ränin manauei meinisin. Üpwe aitietä pei lon ai iotek ngonuk.

Kölfel 95:3

Pun ewe Samol mi Lapalap eman Kot mi tekia, eman king mi tekia seni ekewe kot meinisin.

Ekistos 12:27

oupwe üreniir, ‘Iei asorun än ewe Samol mi Lapalap Pasofer. Pun a lus me won imwen ekewe aramasen Israel lon Isip, lupwen a niela ekewe re Isip, nge esap niikich.’” Mürin, ekewe aramas ra chapetiu o fel ngeni Kot.

Ekistos 4:31

Iwe, ra lükü. Nge lupwen ra rong pwe ewe Samol mi Lapalap a äämwa ekewe aramasen Israel o küna ar riaföü, ra chapetiu o fel ngeni Kot.

Jeremaia 28:6

Iwe, üa üra, “Amen. Amwo ewe Samol mi Lapalap epwe föri iei usun. Amwo ewe Samol mi Lapalap epwe apwönüetä ekewe kapas ka osuni o aliwinato seni Papilon pisekin imwen ewe Samol mi Lapalap me ekewe chon oola meinisin.

Kölün kechü 3:41

Ousipwe suki lelukach ngeni Kot lon läng o iotek ngeni,

Lifitikos 9:24

Iwe, ewe Samol mi Lapalap a tinato ekkei o kenala ewe asoren kek me ewe kiris mi nom won ewe rongen asor. Nge lupwen ekewe aramas meinisin ra küna, ra mweireir ren ar pwapwa o chapetiu lepwül.

Mateus 26:39

Iwe, Jesus a feila ekis, a chapetiu lepwül o iotek, “Semei, are epwe tufich, kopwe angei seniei ei kapen riaföü, nge are ese tufich, letipom epwe fis, nge sap letipei.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

1. Korint 14:16

Lupwen oua kilisou ngeni Kot lon ngünümi chök, epwe ifan usun än eman mi fiti ämi mwich epwe tongeni apasa “Amen” wesin ämi iotekin kilisou, are esap silei met oua kapas usun?

Efisos 1:3

Sipwe kilisou ngeni Kot Semen ach Samol Jesus Kraist, pun a afeiöchükich lon Kraist ren ekewe feiöchün ngün meinisin ra nonom lon läng.

1. Timoty 2:8

Üa mochen pwe lon ekewe lenien fel meinisin mwän repwe iotek, ir mwän mi pin fän iten Kot, repwe aitietä pöür lon ar iotek, nge resap song ika anini.

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,

Pwärätä 7:11

Ekewe chon läng meinisin ra ütä pwelin ünükün ewe lenien motun king, pwal ünükün ekewe souakom me ekewe föman mönümanau. Mürin ra chapetiu mwen ewe lenien motun king o fel ngeni Kot.