Nehemia 8:3 - Chuukese Bible

³ A aleani ewe allük le sape ngeni ewe leni mi amassawa me mwen ewe Asamalapen Koluk seni lesosorusich tori leoloas. A aleani mwen ekewe mwän me fefin pwal ekewe semirit meinisin mi tongeni weweiti. Iwe, ekewe aramas meinisin ra aü selinger ngeni masouen ewe puken allük.

Nehemia 8:3 Iomraidhean Croise

Nehemia 10:29

aia chufengen me äm kewe souemwen le pwon fän akapel. Aia pwon fän akapel pwe aipwe apwönüetä än Kot we allük Moses nöün Kot we chon angang a ngenikem, aipwe pwal aleasochisi än ewe Samol mi Lapalap äm we Samol kewe allük me pwüüng meinisin. Nge iö kana ra atai ei pwon repwe anümamau.

Nehemia 13:1

Iwe, lon ena fansoun, lupwen ra aleani än Moses we puken allük ngeni ekewe aramas, ra küna me lon pwe esap wor eman chon Amon ika chon Moap epwe tongeni choni nöün Kot we mwichen aramas.

Nehemia 8:1

Iwe, lupwen a tori ewe afisuen maram, nge ekewe chon Israel ra nonom lon ar kewe telinimw, ir meinisin ra mwichefengen fän tipeeu lon Jerusalem lon ewe leni mi amassawa mwen ewe Asamalapen Koluk. Iwe, ra üreni Esra ewe sousile allük pwe epwe uwato än Moses we puken allük, ia a mak ie ekewe allük ewe Samol mi Lapalap a ngeni chon Israel.

Nehemia 8:18

Seni aeuin ränin ewe chulap tori lesopolan Esra a aleani ewe puken allük än Kot ngeni ekewe aramas. Ra föri ewe chulap lon ükükün fisu rän, nge lon awaluen rän ra föri eu mwich mi pin, usun a mak lon ewe allük.

Nehemia 8:4

Nge Esra a ütä won eu lenien afalafal mi för seni irä, ra föri fän iten ei popun. Iwe, Matitia, Sema, Anaia, Uria, Hilkia me Maseia ra ü ünükün me lepelifichin. Nge Petaia, Misael, Malkia, Hasum, Haspatana, Sekaria me Mesulam ra ü ünükün me lepelimöngün.

Nehemia 8:5

Esra a suki ewe puk won lenian mi tekia, nge ekewe aramas meinisin ra chök nenengeni. Nge lupwen a suki ewe puk, ekewe aramas meinisin ra ütä.

Markus 12:37

Ika Tafit a püsin aita ngeni Samol, epwe ifa usun än Kraist epwe tongeni eman mwirimwirin Tafit?” Iwe, ekewe aramas mi chomong ra efich an afalafal.

Lukas 19:48

nge resap tongeni küna efoch alen ar repwe föri ar we ekiek, pun ekewe aramas ra chök akaüseling ngeni an afalafal, nge resap tümwününgau ngeni an kewe kapas meinisin.

Lukas 8:18

Iei mine oupwe föröchü usun ämi aüseling. Pun iö a wor an, Kot epwe achomongala, nge iö esap wor an, Kot epwe mwo nge angei seni ewe ekis a ekieki a nom ren.”

Föför 13:15

Mürin ar aleani seni än Moses kewe Allük me ekewe puken soufos, ekewe meilapen ewe imwen felikis ra tini eman an epwe üreniir, “Ämi pwiim kana, are a wor ämi afalafalen apöchöküla ekei aramas, oupwe kapas.”

Föför 13:27

Pun ekewe aramas mi nom lon Jerusalem me nöür kewe souemwen resap silei pwe i ewe Chon Amanau, resap pwal weweiti kapasen ekewe soufos ra aleani iteiten ekewe ränin sapat. Nge lupwen ra atipisi Jesus, ra apwönüetä alon ekewe soufos.

Föför 15:21

Pun än Moses kewe Allük a fen alea fän chomong lon ekewe imwen felikis iteiten ränin sapat, nge an kewe kapas ra afalafala lon ekewe telinimw meinisin.”

Föför 16:14

Iwe, eman me lein ekewe fefin mi aüselingakem Litia seni ewe telinimw Tiatira. Neminei eman chon amömö mangaku mi parachol, nge ra fokun mömong. Ei fefin a fel ngeni Kot, nge ewe Samol a suki lelukan pwe epwe rongosochis ngeni än Paulus afalafal.

Föför 17:11

Iwe, ekewe aramasen Perea ra tipemecheres seni ekewe aramasen Tesalonika, pun ra etiwa ewe afalafal fän mochenin letiper. Iteiten rän ra kaiö lon ekewe Toropwe mi Pin o kütta are met Paulus a apasa a wesewesen pwüng.

Föför 20:11

Mürin a liwinsefälitä won ewe sässärin asan, a utu pilawa o ra mongöfengen me ekewe chon lükü Jesus. Iwe, Paulus a kapas ngeniir tori akkar a tötä, mürin a feil seniir.

Föför 20:7

Iwe, lekuniolun räninamol äm aia chufengen o mongöfengen ewe mongön ach Samol. Iwe, Paulus a afalafala ekewe aramas, nge a chök sopwela le afalafaleer tori lukenipwin, pun a ekiekin feil seniir sorotän ewe rän.

Föför 28:23

Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

Tuteronomi 31:9

Iwe, Moses a makeelong ei allük lon eu puk o ngeni ekewe souasor seni ewe ainangen Lefi mi mwärei ewe pworun pwon än ewe Samol mi Lapalap, a pwal ngeni ekewe souakomwen chon Israel.

1. Tesalonika 2:13

Iwe, mi pwal wor eu popun pwota sia kilisoufochofoch ngeni Kot. Lupwen sia uwato remi ewe kapasen Kot, oua rongorong ngeni o etiwa. Ousap ekieki pwe kapasen aramas, nge oua etiwa pwe iei wesewesen kapasen Kot. Pun ewe kapas a angang lomi ämi mi lükülük.

Josua 8:35

Iwe, esap wor eu kapas Josua a likiti seni ekewe kapas meinisin Moses a allük, pwe a aleaniir meinisin me fän mesen unusen ewe mwichen chon Israel, me fän mesen ekewe fefin, ekewe semirit me ekewe chon ekis mi nom rer.

Pwärätä 2:29

Are a wor selingen eman epwe rongorong mine Ngünmifel a üreni ekewe mwichefel!”

Pwärätä 3:22

Are a wor selingen eman epwe rongorong mine Ngünmifel a üreni ekewe mwichefel!”