Nehemia 8:12 - Chuukese Bible

¹² Mürin, ekewe aramas meinisin ra liwiniti en me lenian, ra mongö o ün fän watten pwapwa, ra pwal tinala och ngeni chokewe esap wor ener, pun ra weweiti ekewe kapas ra rongorong.

Nehemia 8:12 Iomraidhean Croise

1. Kronika 29:22

Iwe, lon ewe ränin, ekewe aramas ra mongö o ün me fän mesen ewe Samol mi Lapalap fän pwapwa mi lapalap. Mürin ra seikätä Salomon nöün Tafit we mwän fän aruuan pwe epwe king, ra epiti fän iten ewe Samol mi Lapalap pwe epwe nemeni Israel, ra pwal epiti Satok pwe epwe souasor.

Nehemia 8:10

Mürin, Nehemia a üreniir, “Oupwe liwiniti en me lenian, oupwe eni mongö mi anö o ünümi wain mi arar. Oupwe pwal tinala och seni enemi me ünümemi ngeni chokewe resap tongeni amolätä och. Pun ei rän a pin fän iten ewe Samol. Ousap letipeta, pun ewe pwapwa seni ewe Samol mi Lapalap epwe apöchökülakemi.”

Nehemia 8:11

Iei usun ekewe mwän seni ewe ainangen Lefi ra amosonosonala ekewe aramas meinisin o üreniir, “Oupwe chipila, pun ei rän a pin. Ousap letipeta.”

Nehemia 8:13

Iwe, lon aruuen ränin ewe maram ekewe mwänirelan än semer kewe cho seni ekewe aramas meinisin, pwal ekewe souasor me ekewe mwän seni ewe ainangen Lefi ra feitopök ren Esra ewe sousile allük, pwe repwe kaiö kapasen ewe allük.

Ester 9:22

pun lon ekei rän chon Juta ra küna ngas seni chon oputeer. Lon ei maram ar riaföü a wili ngeni pwapwa, nge ar letipeta a wili ngeni mwänek. Iwe, Mortokai a pwal allük ngeniir pwe ekewe rän repwe ränin mongöfengen me pwapwafengen, pwal ränin lifangfengen mongö mi annö me lifang ngeni chon wöüngau.

Hiop 23:12

Üa apwönüetä än Kot kewe allük, üa iseis an kewe kapas lon letipei.

Kölfel 119:111

Om kewe allük wöüi tori feilfeilachök. Ewer, ra apwapwai lelukei.

Kölfel 119:127

Ellet, üa aücheani om kewe allük lap seni kolt me kolt mi mürina.

Kölfel 119:130

Lupwen a suk ngenikem masouen om kewe kapas, a wor saram, a ngeni ekewe chon wewemang tipachem.

Kölfel 119:14

Üa pwapwaäsini le apwönüetä om kewe allük lap seni ai pwapwaäsini ekewe wöü meinisin.

Kölfel 119:16

Üpwe pwapwaäsini om kewe allük, nge üsap manlükala om kewe kapas.

Kölfel 119:171

Üpwe fokun mwareituk pwe ka aiti ngeniei om kewe allük.

Kölfel 119:174

Ai Samol mi Lapalap, üa positi om kopwe amanauaei, üa fokun pwapwaiti om allük.

Kölfel 119:72

Ewe allük ka ngenikem a mürina ngeniei lap seni ngeröün föün kolt me silifer.

Kölfel 119:97

Üa fokun aücheani om allük, üa ekinlonei fansoun meinisin.

Jeremaia 15:16

Üa iseis lon lelukei om kewe kapas, lupwen ra toriei. Om kapas a fis pwe ai pwapwa, lelukei a meseik ren, pun itom a föü woi, ai Kot Samol mi Unusen Manaman.

Lukas 24:32

Iwe, ra kapasfengen lefiler, “Ifa usun, esap usun eu ekkei mi ngetenget lon lelukach, lupwen a kapas ngenikich won al o afata ngenikich wewen ekewe Toropwe mi Pin?”

Nöün Paulus Toropwe ngeni ekewe Souläng lon Rom 7:18

Ngang üa silei pwe mine a mürina esap nom loi, wewen esap nom lon fitukei. Pun inamwo ika a nom rei ewe mochenin föri mine a mürina, nge üsap tongeni föri.

Pwärätä 11:10

Iwe, ekewe aramasen fanüfan repwe fokun pwapwa pokiten ekei ruoman soufos ra mäla. Repwe föri apwapwan mine a fis o lifangfengen lefiler, pun ekei ruoman ra atoto watten riaföü won chon fanüfan.