Nehemia 8:10 - Chuukese Bible

¹⁰ Mürin, Nehemia a üreniir, “Oupwe liwiniti en me lenian, oupwe eni mongö mi anö o ünümi wain mi arar. Oupwe pwal tinala och seni enemi me ünümemi ngeni chokewe resap tongeni amolätä och. Pun ei rän a pin fän iten ewe Samol. Ousap letipeta, pun ewe pwapwa seni ewe Samol mi Lapalap epwe apöchökülakemi.”

Nehemia 8:10 Iomraidhean Croise

1. King 8:66

Iwe, sorotän ewe rän Salomon a afeilai ekewe aramas. Iwe, ra afeiöchü ewe king o feila ngeni en me lenian fän meseik me pwapwan leluker pokiten ekewe feiöch meinisin ewe Samol mi Lapalap a awora ngeni Tafit nöün we chon angang, pwal ngeni nöün kewe aramasen Israel.

1. Kronika 16:27

Iteüöch me manaman ra nonom mwan, pöchökül me pwapwa ra nonom lon imwan mi pin.

Nehemia 8:11

Iei usun ekewe mwän seni ewe ainangen Lefi ra amosonosonala ekewe aramas meinisin o üreniir, “Oupwe chipila, pun ei rän a pin. Ousap letipeta.”

Nehemia 8:12

Mürin, ekewe aramas meinisin ra liwiniti en me lenian, ra mongö o ün fän watten pwapwa, ra pwal tinala och ngeni chokewe esap wor ener, pun ra weweiti ekewe kapas ra rongorong.

Ester 9:19

Iei mine ekewe chon Juta mi imweimw lon ekewe kükün telinimw ra achechema ewe engol me rüanün ränin ewe maram Atar, pwe eu ränin pwapwafengen me mongöfengen me asösö, pwal eu ränin lifangfengen mongö mi annö.

Ester 9:22

pun lon ekei rän chon Juta ra küna ngas seni chon oputeer. Lon ei maram ar riaföü a wili ngeni pwapwa, nge ar letipeta a wili ngeni mwänek. Iwe, Mortokai a pwal allük ngeniir pwe ekewe rän repwe ränin mongöfengen me pwapwafengen, pwal ränin lifangfengen mongö mi annö me lifang ngeni chon wöüngau.

Kölfel 149:2

Chon Israel repwe pwapwa ren ewe chon föriir. Ekewe aramasen Sion repwe mwänek ren ar king.

Kölfel 89:17

En ar ling me ar pöchökül. Ren om kirikiröch mökürem a chimwetä.

Än Salomon Fos 17:22

Eman mi pwapwa lon lelukan iei eu säfei mi mürina, nge eu leluk mi lolilen a asemweni eman.

Än Salomon Afalafal 11:2

Kopwe inetifeseni woum ngeni chomong, pun kosap silei met sokun feiengau epwe toruk won fanüfan.

Än Salomon Afalafal 2:24

Iwe, a mürina seni meinisin pwe eman aramas epwe mongö o ün, epwe pwal pwapwa lon an angang weires. Nge üa küna pwe pwal ei a chök feito seni lepöün Kot.

Än Salomon Afalafal 3:13

Nge üa pwal silei pwe aramas meinisin repwe mongö o ün, repwe pwal pwapwa lon ar angang weires. Pwal iei eu lifang me ren Kot.

Än Salomon Afalafal 5:18

Mürin, üa küna pwe a mürina me fich ngeni eman pwe epwe mongö o ün, epwe pwal pwapwa lon an angang weires won fanüfan lupwen ränin manauan mi mochomoch Kot a ngeni, pun iei wisan.

Än Salomon Afalafal 9:7

Iwe, kopwe chök mongö anom mongö, kopwe pwal ünümi unumom wain fän pwapwa, pun iei mine Kot a tipeeu ngeni.

Än Salomon Köl 5:1

Kofoti, en mi wor tongom me rei, üa feito ren tanipii we. Üa ionifengeni ai säfei mi aüchea itan mör me ai nofitin mongö, üa neni ai fasen chunen me chönün, üa pwal ünümi ünümei wain me ünümei milik. Oupwe mongö o ün, ämi chienei. Ämi chienei mi achengicheng, oupwe fokun ün.

Aisea 49:5

Iei alon ewe Samol mi Lapalap, a afisiei lon letipen inei pwe üpwe nöün chon angang, a awisaei pwe üpwe aliwinato nöün aramasen Israel o achufengeniir ren, pun üa iteüöch fän mesen ewe Samol mi Lapalap, nge ai Kot i popun ai pöchökül.

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Sowel 2:23

Oupwe mwänek, ämi aramasen Sion, oupwe pwapwa ren mine ewe Samol mi Lapalap ämi we Kot a föri. A fang ngenikemi üttomong o apüngätiu womi ütten lefen me ütten leres usun chök me mwan.

Sekaraia 14:21

Iwe, iteiten nape me lon Jerusalem me Juta repwe pin fän iten ewe Samol mi Unusen Manaman, pwe meinisin mi asor repwe feito o aea ekewe nape le kuku fituken ekewe mönün asor lor. Lon ena fansoun esap chüen wor eman chon amömö lon imwen ewe Samol mi Unusen Manaman.

Lukas 11:41

Nge oupwe fang ngeni ekewe mi wöüngau mine a nom lon ämi kewe kap me sepi, mürin mettoch meinisin repwe limöch me remi.

2. Korint 8:2

Ra küna watten sosot ren ekewe riaföü a toriir. Nge ar pwapwa a fokun lapalap, pwe ra fokun fangafangöch lon ar lifang, inamwo ika ra fokun wöüngau.

Filipi 3:4

Ewer, ngang üa tongeni anomu ai apilükülük won ena sokun lapalap. Are eman a ekieki pwe mi wor popun an epwe tongeni anomu an apilükülük won ei sokun lapalap, ngang won inisi a fen wor rei ekoch popun mi watte:

Pwärätä 11:10

Iwe, ekewe aramasen fanüfan repwe fokun pwapwa pokiten ekei ruoman soufos ra mäla. Repwe föri apwapwan mine a fis o lifangfengen lefiler, pun ekei ruoman ra atoto watten riaföü won chon fanüfan.

1. Samuel 25:8

Kopwe püsin aisini noum kewe chon angang, pun ir repwe apworausa ngonuk. Iei mine kopwe eäni ümöümöch ngeni nei kana alüal, pun äm aia feito lon ränin kametip. Kose mochen kopwe fang ngeni noum kewe chon angang, pwal ngeniei ngang noum mwän Tafit mine a nom reöm.”