Nehemia 8:1 - Chuukese Bible

¹ Iwe, lupwen a tori ewe afisuen maram, nge ekewe chon Israel ra nonom lon ar kewe telinimw, ir meinisin ra mwichefengen fän tipeeu lon Jerusalem lon ewe leni mi amassawa mwen ewe Asamalapen Koluk. Iwe, ra üreni Esra ewe sousile allük pwe epwe uwato än Moses we puken allük, ia a mak ie ekewe allük ewe Samol mi Lapalap a ngeni chon Israel.

Nehemia 8:1 Iomraidhean Croise

2. King 23:2

Iwe, ewe king a feila ren imwen ewe Samol mi Lapalap, nge ekewe souakomwen Juta me ekewe chon Jerusalem meinisin, pwal ekewe souasor me soufos, ekewe aramas kis me aramas lap meinisin ra eti. Ewe king a aleani ngeniir kapasen lon ewe puken pwon ra küna me lon imwen ewe Samol mi Lapalap.

2. Kronika 34:15

Mürin, Hilkia a üreni ewe seketeri Safan, “Üa küna ewe puken allük me lon imwen ewe Samol mi Lapalap.” Iwe, Hilkia a ngeni Safan ewe puk.

2. Kronika 34:30

Iwe, ewe king a feila ren imwen ewe Samol mi Lapalap, nge ekewe souakomwen Juta me ekewe chon Jerusalem meinisin, pwal ekewe souasor me ekewe mwän seni ewe ainangen Lefi, ekewe aramas kis me aramas lap, meinisin ra eti. Ewe king a aleani ngeniir kapasen lon ewe puken pwon meinisin ra küna me lon imwen ewe Samol mi Lapalap.

Esra 7:1

Mürin ei pworaus lon mwün Artaksasta ewe kingen Persia, mi wor eman mwän itan Esra. Iei uruwon an kewe lewo: Esra nöün Seraia we mwän, Seraia nöün Asaria, Asaria nöün Hilkia,

Esra 7:10

Iwe, Esra a lechüni o achocho le kaiö än ewe Samol mi Lapalap kewe allük pwe epwe apwönüretä, epwe pwal aiti ngeni chon Israel ekewe allük me pwüüng.

Esra 7:11

Iwe, iei masouen ewe toropwe ewe king Artaksasta a ngeni ewe souasor Esra, i ewe soumak mi silelapei än ewe Samol mi Lapalap kewe allük me pwüüng fän iten chon Israel,

Esra 7:6

Ei mwän Esra eman soumak mi fokun silei ekewe allük ewe Samol mi Lapalap ewe Koten Israel a ngeni Moses. Iwe, pokiten ewe Samol mi Lapalap an we Kot a ümöümöch ngeni, iei mine ewe king a mwüt ngeni meinisin mine a tüngor.

Nehemia 12:26

Ätekei ra föri ar angang lon ränin manauen Joiakim nöün Jesua we mwän, nge Jesua nöün Jehosatak, lon ränin manauen ewe kepina Nehemia, pwal lon ränin manauen ewe souasor Esra ewe sousile allük.

Nehemia 12:37

Iwe, lupwen ra tori ewe Asamalapen Chönüttu, ra fetal wenewenetä won ewe latö mi feitä ngeni ewe telinimwen Tafit o fetal won ewe al mi feitä won ewe tit asen imwen Tafit, ra pwal feila ngeni ewe Asamalapen Koluk mi nom ötiu.

Nehemia 3:26

Nge ekewe chon angang ngeni ewe imwenfel mi nonom lon Ofel, eu kinikinin lon ewe telinimw Jerusalem, ra senisefälietä ewe kinikin ünükün tori awenewenen ewe Asamalapen Koluk mi nom ötiu, pwal tori ewe imw tekia mi kouwu.

Nehemia 8:16

Mürin, ekewe aramas ra feila o uwato ekewe palen irä. Iwe, ra föri likachoch fän iter won en me imwan, lon ekewe leni lükün imwer, pwal lükün ewe imwen Kot, lon ekewe leni mi amassawa arun ewe Asamalapen Koluk me arun ewe Asamalapen Efraim.

Nehemia 8:3

A aleani ewe allük le sape ngeni ewe leni mi amassawa me mwen ewe Asamalapen Koluk seni lesosorusich tori leoloas. A aleani mwen ekewe mwän me fefin pwal ekewe semirit meinisin mi tongeni weweiti. Iwe, ekewe aramas meinisin ra aü selinger ngeni masouen ewe puken allük.

Aisea 8:20

Apwi, oupwe chök rongorong än Kot kewe allük me pwärian. Nge are ousap apwönüetä ekei kapas, esap wor remi saram.

Lifitikos 9:5

Iwe, ra uwato mwen ewe imwenfel seni mangaku meinisin mine Moses a allük ngeniir. Nge ekewe aramas meinisin ra kaneto o ütä fän mesen ewe Samol mi Lapalap.

Malakai 4:4

Oupwe chechemeni mine üa aiti ngenikemi ren nei we chon angang Moses, ekewe allük me pwüüng üa ngenikemi me won ewe chuk Horep fän iten chon Israel meinisin.

Mateus 13:52

Mürin a üreniir, “Iei mine iteiten ekewe Sensen Allük meinisin mi fen kaiö usun Mwün Läng ra usun chök eman souimw a atowu seni an lenien iseis mettoch mi fö me mettoch mi mes.”

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Mateus 23:2

“Ekewe Sensen Allük me ekewe Farisi a wor ar pwüüng pwe repwe awewei än Moses kewe allük.

Mateus 23:34

Iei mine üpwe tinala remi soufos me soutipachem me sense. Ämi oupwe niela ekoch leir, oupwe iräpengesi ekoch, oupwe pwal wichi ekoch me lon ämi imwen felikis o cheerela seni eu telinimw tori pwal eu telinimw.

Tuteronomi 31:11

lupwen chon Israel repwe feito pwe repwe fel ngeni ewe Samol mi Lapalap ämi we Kot lon ewe leni i epwe filätä, oupwe aleani ei allük fän mesen chon Israel meinisin pwe repwe rongorong.

Soukapwüng 20:1

Mürin, ekewe aramasen Israel meinisin ra feito seni ewe telinimw Tan mi nom efeng me Persepa mi nom ör, pwal seni ewe fanü Kiliat mi nom ötiu. Ra chufengen fän tipeeu fän mesen ewe Samol mi Lapalap me lon Mispa.

Soukapwüng 20:8

Iwe, ekewe aramas meinisin ra ütä fän tipeeu o apasa, “Esap wor eman leich epwe feila lon imwan, esap fokun wor eman leich epwe liwiniti lenian.