Nehemia 7:73 - Chuukese Bible

⁷³ Iwe, ekewe souasor me chon ewe ainangen Lefi, ekewe chon mamasa asamalapen imwenfel, ekewe chon köl, ekoch me lein ekewe aramas, ekewe chon angang ngeni ewe imwenfel me ekewe lusun chon Israel meinisin ra nonom lon en me an telinimw.

Nehemia 7:73 Iomraidhean Croise

2. King 7:10

Iei mine ra feito ren tittin ewe telinimw o kökkötä ren ekewe chon masen ewe asamalap, “Äm aia tori lenien ekewe sounfiun Siria, nge aisap küna eman ika rongorong mwelien eman. A chök wor oris me aas mi föfö, pwal ekewe imw mangaku.”

1. Kronika 9:2

Ekewe akaeuin aramas mi liwinsefälito pwe repwe nomsefäl lon lenier kewe me lon ar kewe telinimw ir ekewe chon Israel, ekewe souasor, ekewe mwän seni ewe ainangen Lefi, pwal ekewe chon angang ngeni imwenfel.

Esra 2:70

Iwe, ekewe souasor, chon ewe ainangen Lefi me ekoch me lein ekewe aramas ra nonom lon Jerusalem me wisoposopun. Nge ekewe chon köl, ekewe chon mamasa asamalapen imwenfel, pwal ekewe chon angang ngeni ewe imwenfel me ekewe lusun chon Israel meinisin ra nonom lon en me an telinimw.

Esra 3:1

Iwe, lupwen a tori ewe afisuen maram, nge ekewe chon Israel ra nonom lon ar kewe telinimw, ra tipeeu le chufengen lon Jerusalem.

Nehemia 11:3

Nge lon ekewe lusun telinimwen Juta ekewe chon Israel, ekewe souasor, ekewe mwän seni ewe ainangen Lefi, ekewe chon angang ngeni ewe imwenfel me ekewe mwirimwirin nöün Salomon kewe chon angang ra nonom lon en me lenian lon ar kewe telinimw. Ikkei iten ekewe samolun ewe fanü Juta mi nom lon Jerusalem:

Nehemia 7:72

Nge ekewe lusun aramas ra fangala ina epwe ükükün ülüpükü fik me limu paun kolt me ina epwe ükükün eu eulerüanü ton silifer me wone me fücho üfen souasor.