Nehemia 7:70 - Chuukese Bible

⁷⁰ Iwe, chomong lein ekewe aramas ra fangala pisek ngeni angangen ewe imwenfel: Ewe kepina a fangala ina epwe ükükün engol me tiu paun kolt, lime sepi me limepükü ilik üfen souasor.

Nehemia 7:70 Iomraidhean Croise

1. King 7:45

pwal nape, söföl me kükün sepi. Ekei pisek meinisin Huram a föri seni piras mi misimis fän alon ewe king Salomon fän iten imwen ewe Samol mi Lapalap.

1. Kronika 28:17

ükükün choun ewe kolt mi mürina fän iten ekewe fook, ekewe sepi me ekewe kap, pwal ükükün choun eu me eu kewe kükün sepi seni kolt me silifer

2. Kronika 4:11

Iwe, Huram a pwal föri nape, söföl me sepi. Iei usun Huram a awesi ekewe angang meinisin a pwon ngeni ewe king Salomon pwe epwe föri fän iten ewe imwenfel.

2. Kronika 4:8

A pwal föri engol chepel o anomuur lon ewe rum mi pin me lon ewe imwenfel, limu a anomu peliör, nge limu a anomu peliefeng. Iwe, a pwal föri ipükü sepi seni kolt.

Nehemia 10:1

Iwe, ikkei iten chokewe mi saini iter: Ewe kepina Nehemia nöün Hakalia we mwän me Setekia.

Nehemia 7:65

Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim .

Nehemia 7:69

nöür kamel ükükün föpükü ilik me limman, nge nöür aas ükükün wonongeröü füpükü rüe.

Nehemia 7:71

Ekoch me lein ekewe mwänirelan än semer kewe cho ra pwal fangala ngeni angangen ewe imwenfel ina epwe ükükün ülüpükü fik me limu paun kolt me ina epwe ükükün eu euleülüngat ton silifer.

Nehemia 8:9

Iwe, lupwen ekewe aramas ra rongorong kapasen ewe allük, a mwökütüküt letiper pwe ra kechü. Iei mine ewe kepina Nehemia, ewe souasor Esra, i ewe sousile allük, me ekewe mwän seni ewe ainangen Lefi mi aiti ngeni ekewe aramas ewe allük ra üreni ekewe aramas meinisin, “Ei rän a pin fän iten ewe Samol mi Lapalap äm we Kot. Ousap letipeta ika kechü.”

Ekistos 12:22

Iwe, oupwe angei ulun ewe irä itan isop o otukalong lon ewe sepien cha. Mürin oupwe tofi ewe cha ngeni penkasamen imwemi lepekin me ruepek pwal asan. Nge esap wor eman epwe towu seni imwan tori lesosor.

Ekistos 24:6

Iwe, Moses a angei esopun chan ekewe mönün asor o ninalong lon ekewe sepi, nge esop a uti ngeni ewe rongen asor.

Jeremaia 52:19

Iwe, ewe meilapen chon tümwünü ewe king a uweela meinisin mine a för seni kolt me silifer: ekewe kükün sepi, ekewe sepi fän iten mwolien ekkei, ekewe sepi me nape, ekewe lenien etittin, ekewe sepi fän iten apach mi pwokus me ekewe sepi fän iten asoren ün.