Nehemia 7:64 - Chuukese Bible

⁶⁴ Ikkei ir ekewe mwän ra kütta iter me lein chokewe mi makelong iter lon ewe puken uruwo, nge resap küna. Iei mine resap tongeni wiseni ewe wisen souasor, pun ra nom lon tettelin chon limengau.

Nehemia 7:64 Iomraidhean Croise

1. Kronika 9:1

Iwe, chon Israel meinisin a mak iteiter lon tettelin uruwor o makelong lon ewe puken uruwon ekewe kingen Israel. Iwe, chon Juta ra oola Papilon pokiten ar tipis.

Nehemia 13:29

Ai Kot, kopwe chechemeni ekei aramas, pun ra alimengaua ewe wisen souasor, ra pwal atai ewe pwon en ka föri ngeni ekewe souasor me ekewe mwän seni ewe ainangen Lefi.

Nehemia 7:5

Mürin, Kot a atolonga lon ai ekiek pwe üpwe amwichafengeni ekewe aramas tekia, ekewe nöüwis me ekewe aramas, pwe epwe mak iteiter lon tettelin uruwor. Iwe, üa küna ewe puken uruwon chokewe mi liwinsefälito akom, nge iei mine a mak lon:

Nehemia 7:63

Nge seni lein ekewe souasor esap afat lewor: Ekewe mwirimwirin Hopaia, Hakos me Parsilai. Ätei a angei eman pwülüan seni ekewe fefin nöün Parsilai ewe re Kiliat o iteni iten semen pwülüan we.

Nehemia 7:65

Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim .

Lifitikos 4:3

Are ewe souasor mi lap a tipis o ren an tipis a atoto tipis won ekewe aramas, epwe uwato ngeni ewe Samol mi Lapalap eman nienifön ätemwänin kow esap wor terin, pwe epwe eäni asor fän iten an tipis.