Nehemia 7:3 - Chuukese Bible

³ Iwe, üa üreniir, “Ekewe asamalapen Jerusalem resap suk tori akkar a tinekeniken, nge repwe kapüng o lokkola, lupwen ekewe chon mas ra chüen mamas. Oupwe pwal filätä chon masen ewe tit seni lein ekewe chon Jerusalem, ekoch repwe mamasa lon en me an lenien mamas, nge ekoch repwe mamasa awenewenen en me imwan.”

Nehemia 7:3 Iomraidhean Croise

Nehemia 13:19

Iwe, üa allük pwe ekewe asamalapen Jerusalem repwe kapüngüla, lupwen a popuetä pwinila me mwen ewe ränin sapat, nge resap tongeni suksefäl tori wesin ewe ränin sapat. Üa pwal anomu ekoch me lein nei chon angang ren ekewe asamalap, pwe esap wor eman a tongeni uwalong och mettoch lon ewe telinimw lon ewe ränin sapat.

Nehemia 3:23

Peniamin me Hasup ra senisefälietä ewe kinikin awenewenen imwer. Nge Asaria nöün Maseia we mwän, nge Maseia nöün Anania, a senisefälietä ewe kinikin ünükün imwan.

Nehemia 7:2

Mürin, üa awisa Hanani pwii we me Hanania ewe meilapen imwen maun pwe repwe nemeni Jerusalem. Hanania eman mwän mi fokun allükülük, a pwal niuokusiti Kot lap seni chomong chienan kewe.

Nehemia 7:4

Iwe, Jerusalem eu telinimw a chömong o watte, nge aramasen lon ra chokükün, esap pwal wor chomong imw mi kaütä.

Kölfel 127:1

Are ewe Samol mi Lapalap esap aüetä ewe imw, a solap än ekewe chon aüetä angang. Are ewe Samol mi Lapalap esap mamasa ewe telinimw, a solap än ekewe chon mas nenela le mamas.

Kölfel 147:13

Pun i a apöchöküla lokkun asamalapom kewe o afeiöchü noum kewe aramas mi nom reöm.

Mateus 10:16

“Nengeni, üpwe tinikemiila usun chök sip lein wolif kana. Iei mine oupwe eäni tipachem usun serepenit o oupwe tipepwetete usun tipepweteten ekewe lisom.