Nehemia 7:2 - Chuukese Bible

² Mürin, üa awisa Hanani pwii we me Hanania ewe meilapen imwen maun pwe repwe nemeni Jerusalem. Hanania eman mwän mi fokun allükülük, a pwal niuokusiti Kot lap seni chomong chienan kewe.

Nehemia 7:2 Iomraidhean Croise

Keneses 42:18

Nge lon aülüngatin rän Josef a üreniir, “Ngang eman mi niueiti Kot. Iei oupwe föri mine üpwe ürenikemi pwe oupwe manau.

2. Samuel 23:3

Ewe Koten Israel a kapas, ewe Achauen Israel a üreniei: Ewe king mi nemeni aramas fän pwüng, mi nemenem fän an niuokusiti Kot,

1. King 18:12

Ina epwe fis pwe lon ewe otun üpwe feila senuk, Ngünün ewe Samol mi Lapalap epwe uweekela ngeni eu leni ngang üsap silei. Iwe, lupwen üpwe üreni Ahap pwe ka nom ikei, nge i esap tongeni künok, epwe nieila. Nge ngang noum chon angang üa fokun meniniti ewe Samol mi Lapalap seni leküküni.

1. King 18:3

Iwe, Ahap a titi Opatia ewe meilapen chon tümwünü imwen ewe king. (Nge Opatia a fokun meniniti ewe Samol mi Lapalap.

Nehemia 1:2

Iwe, a fis pwe Hanani, eman me lein pwii kewe, a feito me ekoch mwän seni Juta. Üa aisiniir usun ekewe chon Juta mi chüen manau, chokewe mi liwinla seni ar oola lon Papilon, pwal usun Jerusalem.

Nehemia 10:23

Hosea, Hanania me Hasup,

Nehemia 13:13

Iwe, üa filätä ekoch mwän pwe repwe tümwünü ekewe rumwen iseis: ewe souasor Selemia, Satok ewe sousile allük me Petaia seni chon ewe ainangen Lefi. Nge ewe mi wisen alisiir Hanan nöün Sakur we mwän, nge Sakur nöün Matania. Iwe, a pwä pwe ätekei ir mwän mi allükülük, ra wisen ainetöchü ekewe mongö ngeni märärir kewe.

Nehemia 2:8

Kopwe pwal ngeniei echö toropwe pwe üpwe uwala ren Asaf, ewe mi tümwünü än ewe king lenien wöllap, pwe epwe ngeniei irä pwe üpwe föri pamping seni fän iten asamalapen ewe imw pöchökül mi nom mwen ewe imwenfel, fän iten tittin ewe telinimw, pwal fän iten ewe imw üpwe nonom lon.” Iwe, ewe king a mwüt ngeniei mine üa tüngor, pun ai we Kot a etiei.

Nehemia 5:15

Ekewe kepina mi akom mwei ra aweiresi ekewe aramas o angei seniir ener mongö o ünümer wain iteiten rän won ükükün faik föün moni silifer. Pwal nöür chon angang ra ariaföüü ekewe aramas. Nge ngang üsap föri iei usun, pun üa niuokusiti Kot.

Nehemia 7:3

Iwe, üa üreniir, “Ekewe asamalapen Jerusalem resap suk tori akkar a tinekeniken, nge repwe kapüng o lokkola, lupwen ekewe chon mas ra chüen mamas. Oupwe pwal filätä chon masen ewe tit seni lein ekewe chon Jerusalem, ekoch repwe mamasa lon en me an lenien mamas, nge ekoch repwe mamasa awenewenen en me imwan.”

Hiop 1:1

Mi wor eman mwän lon ewe fanü Us itan Hiop. Ätei a pwüng o wenechar, a niuokusiti Kot o kul seni föför mi ngau.

Kölfel 101:6

Üpwe filätä chokewe mi allükülük lon ewe fanü pwe repwe nom rei. Chokewe mi fokun wenechar repwe angang ngeniei.

Ekistos 18:21

Nge kopwe filätä me lein ekewe aramas mwän mi lipwäköch o meniniti Kot, ir mi wenechar o oput lifangen amichimich. Ekei sokun mwän kopwe seikiretä, pwe repwe nemenem won ngeröü me pükü, won lime me engol aramas.

Taniel 6:4

Mürin, ekewe nöüwis tekia me ekewe kepina ra kütta och mwälin lon än Taniel angang pwe repwe tongeni tip ngeni, nge resap tongeni küna och popun, pun Taniel a allükülük, nge esap wor mwälin ika tümwününgauan.

Numperis 12:7

Nge esap iei usun ren nei ei chon angang Moses. Pun üa lükü ngeni nei aramasen Israel meinisin.

Mateus 24:45

“Iwe, iö chök ewe chon angang mi allükülük o tipachem? Ätewe an masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Mateus 25:21

An we masta a üreni, ‘Om angang a fokun mürina. En eman chon angang mi mürina o allükülük. Ka fen allükülük won mine a chokükün, iei mine üpwe seikuketä won mine a chomong. Kopwe tolong o etiei lon ai pwapwa.’

1. Korint 4:2

Eu chök mettoch epwe fokun aüchea ren eman chon angang, pwe epwe allükülük ngeni an samol.

2. Timoty 2:2

Met ka rongorong seniei pwe üa afalafala me mwen chomong chon pwärätä, kopwe lükü ngeni ätekewe mi allükülük o tufichin asukula pwal ekewe ekoch souläng.