Nehemia 6:9 - Chuukese Bible

⁹ Pun ir meinisin ra chök mochen aniuokusukem, pun ra ekieki pwe aipwe ükütiu le angang, pwe ewe angang esap wes. Nge üa iotek, “Ai Kot, kopwe apöchökülaei.”

Nehemia 6:9 Iomraidhean Croise

2. Kronika 15:7

Nge ämi oupwe tipepwora, nge ousap apwangapwang, pun epwe wor liwinin ämi angang.”

2. Kronika 32:18

Iwe, ra fokun leüömong le kapas lon fosun Juta ngeni ekewe aramasen Jerusalem mi nom won ewe tit, pwe repwe eniwokusuur o eniweer. Ei ra föri pwe repwe mecheres le liapeni ewe telinimw.

Esra 1:6

Nge chon arur meinisin ra alisiir ren pisek seni silifer, ren kolt me sokopaten pisek, ren man pwal ren pisek mi aüchea, fiti ekewe asor ra fangala seni mochenin letiper.

Nehemia 6:14

Iwe, üa iotek, “Ai Kot, kopwe chechemeni mine Topia me Sanpalat ra föri. Kopwe pwal chechemeni ewe soufos fefin Noatia me ekewe lusun soufos mi mochen aniuokusuei.”

Kölfel 138:3

Lupwen üa kökkö, ka pälüeniei, ka apworaei o apöchöküla lelukei.

Kölfel 56:3

Lupwen üa niuokus, üa chök isetä ai apilükülük womw.

Kölfel 68:35

Kot a men eniwokus, lupwen a towu seni imwan mi pin. I ewe Koten Israel mi ngeni nöün kewe aramas manaman me pöchökül. Sipwe mwareiti Kot!

Kölfel 71:1

Ai Samol mi Lapalap, en ai lenien op, kosap fokun mwüt ngeniei pwe üpwe kuf.

Aisea 40:29

A ngeni ekewe chon malülü pöchökül, nge ekewe chon lipwäkingau a ngeniir tufich mi somwola.

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Jeremaia 38:4

Mürin, ekewe nöüwis ra üreni ewe king, “Kopwe mwütätä pwe ei mwän epwe ninnila. Pun a akisikisala leluken ekewe sounfiu mi chüen nom lon ei telinimw me leluken ekewe aramas meinisin ren an apasa ekei sokun kapas ngeniir. Ei mwän esap kütta feiöchün ekei aramas, ngei feiengauer.”

Isikiel 30:24

Mürin üpwe apöchöküla pöün ewe kingen Papilon o isenalong nei ketilas lepöün. Nge üpwe kupi pöün Farao, pwe epwe ngüngü me mwen chon oputan, usun eman aramas mi arap ngeni mäla ren kinasan.

Sekaraia 10:12

Ngang üpwe apöchöküla nei aramas, nge ir repwe fel ngeniei o aleasochisiei.” Ewe Samol mi Lapalap a kapas.

2. Korint 12:9

Nge a pölüeniei, “Ai ümöümöch a naf ngonuk, pun ai manaman a fokun unusöchüla lon om apwangapwang.” Iei mine üa fokun pwapwa lon ai aingaing won ai apwangapwang, pwe ewe manamanen Kraist epwe tümwünüei.

Efisos 3:16

Üa tüngor ngeni Kot pwe epwe fang ngenikemi tufichin Ngünün we seni lon wöün an we ling, pwe oupwe pöchökül lon letipemi.

Efisos 6:10

Iwe, iei ai kapasen lesopolan: Oupwe apöchökülakemi lon ach Samol pwal lon pöchökülen an we manaman.

Filipi 4:13

Meinisin a ki ngeniei ren Kraist ewe mi atufichiei.

Ipru 12:12

Iei mine oupwe apöchökülätä pöümi me pwäsukumi kana mi apwangapwang.

1. Petrus 5:10

Nge mürin ämi küna riaföü lon fansoun mochomoch, ewe Koten ümöümöch meinisin mi körikemi pwe oupwe eti lon an ling esemüch lon Kraist, i epwe püsin aunusöchükemiila, epwe anükücharakemi o apöchöküla letipemi, pwe oupwe nük lon ämi lükü Kraist.

1. Samuel 30:6

Iwe, Tafit a fokun riaföü, pun ekewe aramas ra ekiekin monei ngeni fau, pokiten ir meinisin ra letipengau ren nöür kewe mwän me fefin mi oola. Nge leluken Tafit a pöchökülsefäl ren ewe Samol mi Lapalap an we Kot.