Nehemia 6:8 - Chuukese Bible

⁸ Mürin üa tinala ren Sanpalat ei pworaus, “Ekei mettoch ka kapas usun resap pwüng, pun ka chök afisätä seni püsin lon om ekiek.”

Nehemia 6:8 Iomraidhean Croise

Nehemia 6:7

Ka pwal awisa soufos pwe repwe asilefeili pworausom lon Jerusalem, pwe en ka king lon Juta. Iwe, iei ei pworaus epwe tori ewe king. Iei mine kopwe feito pwe sipwe pwüngüpwüngfengen won.”

Hiop 13:4

Nge me remi, ämi oua aöchü mettoch ren ämi kapas chofana, ämi meinisin oua usun sousäfei esap wor lomotemi.

Kölfel 36:3

An kewe kapas ra mwäl me chofana. Esap chüen föri föför mi mirit me mürina.

Kölfel 38:12

Chokewe mi mochen nieila ra amolätä ar kewe sär, nge chokewe mi mochen ariaföüüei ra kapas usun ar repwe afeiengauaei, ra chök ekiekin rawangauaei fansoun meinisin.

Kölfel 52:2

Ka ekiekietä usun om kopwe afeiengaua aramas. Chönawom a usun chök echö räisö mi ken, en eman chon föri angangen atuputup.

Aisea 59:4

Esap wor eman a kapwüng ngeni aramas fän pwüng me wenechar. Iwe, ra lükülük won kapas mi lomotongau, ra chofana, ra pwal ekiekin fitikoko o föföringau.

Taniel 11:27

Mürin, ekewe ruoman king repwe chök ekiekietä sokun föför mi ngau. Repwe mot ngeni chepel o kapas chofanafengen. Nge ar ekiek esap fis, pun esamwo tori ewe fansoun Kot a filätä.

Mateus 12:34

Ämi serepenit! Ifa usun, oua tongeni apasa mine a mürina ika ämi aramas mi ngau? Pun ekewe kapas ra towu seni awemi iei somwen lelukemi.

Johannes 8:44

Ämi nöün sememi, ewe Tefil, ämi oua chök mochen apwönüetä mochenin sememi. I eman chon niela aramas seni lepoputän, esap fokun nom won pekin let, pun esap wor let ren. Lupwen a kapas chofona, a chök fos lon örünian, pun i eman chon chofona me semen chon chofona.

Föför 25:10

Iwe, Paulus a üra, “Ngang üa ütä me mwen än Sisar lenien kapwüng, ewe ia üpwe kapwüng ie. Ngang üsap föri och föför mi mwäl ngeni ekewe chon Juta usun ka fen silei.

Föför 25:7

Nge lupwen Paulus a war, ekewe chon Juta mi feito seni Jerusalem ra ütä pwelin ünükün o popuetä le aturu won chomong föför mi ngau ra atipisi won. Nge resap tongeni alletätä pwe a pwüng.