Nehemia 6:6 - Chuukese Bible

⁶ Iei usun mine a mak lon ei toropwe, “Ei pworaus a chöfetal lein chon ekewe mwü, pwal Kesem a apasa, pwe en me ekewe re Juta oua ekiekin ü ngeni ewe mwü. Iei mine oua senisefälietä ewe tit. Nge soposopun ei pworaus, pwe en ka mochen pwe kopwe ar king.

Nehemia 6:6 Iomraidhean Croise

Esra 4:12

Aia mochen asile ngonuk, en äm king, pwe ekewe chon Juta mi feila senuk o feito ikei ra nonom Jerusalem. Ir ra aüsefälietä ewe telinimw mi ngau o afitikoko chök. Ra försefäli longolongun ewe telinimw o angang ngeni tittin kewe.

Esra 4:15

pwe kopwe tongeni kütta pworausen ei telinimw lon ekewe puken uruwo än ekewe king ra akom mwom. Iwe, kopwe küna o silei me lon ei puken uruwo pwe ei telinimw eu telinimw mi afitikoko chök, a aosukosuka ekewe king me ekewe fanü, nge seni me lomlom aramasen lon ra chök päpälüeni mwü. Iei popun pwe ei telinimw a tala.

Nehemia 2:19

Nge lupwen Sanpalat ewe re Horon me Topia ewe nöüwisen Amon pwal Kesem ewe re Arapia ra rong usun, ra esitakem o turunufaseekem. Iwe, ra üra, “Met popun oua föri ei? Ifa usun, oua mochen ü ngeni ewe king?”

Nehemia 6:13

Popun ra möni Semaia, pwe epwe aniuokusuei pwe üpwe tipis ren ai föri ei föför, nge ir repwe tongeni aitengauaei o turunufaseei.

Nehemia 6:5

Mürin, Sanpalat a tinato nöün chon angang rei fän alimuan lon ei chök ititin fän echö toropwe esap appach o impwang.

Nehemia 6:7

Ka pwal awisa soufos pwe repwe asilefeili pworausom lon Jerusalem, pwe en ka king lon Juta. Iwe, iei ei pworaus epwe tori ewe king. Iei mine kopwe feito pwe sipwe pwüngüpwüngfengen won.”

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Mateus 5:11

Oua feiöch lupwen aramas ra aitengauakemi o ariaföüükemi o apasa sokopaten kapas chofona mi ngau usumi pokiten oua tapweto müri.

Lukas 23:2

Ikenan ra popuetä le atipisi Jesus o üra, “Äm aia küna ei mwän pwe a emweningaua aramasen fanüach. A üreniir pwe resap takises ngeni Sisar, a pwal apasa pwe püsin i Kraist ewe king.”

Johannes 19:13

Lupwen Pilatus a rongorong ekei kapas, a emwenawu Jesus lükün o a mottiu won an lenien motun souapwüng, lon ewe leni itan “Chech fau.” (Lon kapasen Ipru: Kapata.)

Nöün Paulus Toropwe ngeni ekewe Souläng lon Rom 3:8

Pwota chök ekoch aramas ra apasa, “Ousipwe föri mine a ngau, pwe epwe fisitä mine a mürina”? Ewer, ekoch aramas ra fen kapasingau usi ren ar atipisiei, pwe üa apasa ei sokun fos. Ir repwe küna kapwüng usun a fich ngeniir.

2. Korint 6:8

Ekoch ra aitöchükem o ekoch ra aitengauakem, ekoch ra turunufaseikem o ekoch ra mwareitikem. Ra apasa pwe aia chon atuputup, nge äm aia apasatä kapas mi let.

1. Petrus 3:16

nge oupwe kapas ngeniir fän pwetete me menin. Oupwe tümwünü pwe esap wor mengiringirin letipemi, pwe chokewe mi kapas ingau usun ämi föför mürina pokiten oua tapwela mürin Kraist, repwe säw ren ar kapasen esitakemi.