Nehemia 6:19 - Chuukese Bible

¹⁹ Iwe, ekewe aramas ra apworausa usun än Topia kewe föför mürina me fän mesei o asile ngeni i ai kewe kapas. Nge Topia a chök tinato rei toropwe pwe epwe aniuokusuei.

Nehemia 6:19 Iomraidhean Croise

Nehemia 6:13

Popun ra möni Semaia, pwe epwe aniuokusuei pwe üpwe tipis ren ai föri ei föför, nge ir repwe tongeni aitengauaei o turunufaseei.

Nehemia 6:18

Pun chomong chon Juta ra riri ngeni Topia ren eu pwon fän akapel, pokiten Topia i pwülüen nöün Sekania we fefin, nge Sekania nöün Ara. Iwe, Jehoanan nöün Topia we mwän a pwal pwülüeni nöün Mesulam we fefin, nge Mesulam nöün Perekia.

Nehemia 6:9

Pun ir meinisin ra chök mochen aniuokusukem, pun ra ekieki pwe aipwe ükütiu le angang, pwe ewe angang esap wes. Nge üa iotek, “Ai Kot, kopwe apöchökülaei.”

Nehemia 7:1

Iwe, lupwen ewe tit a wes le ses, a pwal försefäl ekewe asamalap, ekewe chon mamasa ekewe asamalapen imwenfel, ekewe chon köl me ekewe mwän seni ewe ainangen Lefi ra kefilitä ngeni en me an angang.

Än Salomon Fos 28:4

Chokewe mi aleasolap ngeni ekewe allük ra mwareiti ekewe aramasangau, nge chokewe mi aleasochisi ekewe allük ra ü ngeniir.

Johannes 15:19

Are oupwe pop seni ei fanüfan, ei fanüfan epwe echenikemi usun nöün kana. Nge ämi ousap pop seni ei fanüfan, pun ngang üa afilikemi seni fanüfan, ina popun fanüfan a oput ämi.

Johannes 7:7

Chon fanüfan resap tongeni oputakemi, nge ra oputaei, pun üa pwäri ngeniir pwe ar föför a ngau.

1. Johannes 4:5

Ekei sokun soufos chofona ra kapas usun mettochun fanüfan, iwe, chon fanüfan ra aüseling ngeniir, pun ir ra pop seni fanüfan.