Nehemia 6:18 - Chuukese Bible

¹⁸ Pun chomong chon Juta ra riri ngeni Topia ren eu pwon fän akapel, pokiten Topia i pwülüen nöün Sekania we fefin, nge Sekania nöün Ara. Iwe, Jehoanan nöün Topia we mwän a pwal pwülüeni nöün Mesulam we fefin, nge Mesulam nöün Perekia.

Nehemia 6:18 Iomraidhean Croise

1. Kronika 3:21

Nge nöün Hanania kewe mwän: Pelatia me Jesaia. Jesaia semen Refaia, Refaia semen Arnan, Arnan semen Opatia, nge Opatia semen Sekania.

Esra 2:5

Ekewe mwirimwirin Ara ükükün füpükü fik me limman.

Nehemia 3:30

Hanania nöün Selemia we mwän me Hanun ewe awonomanün nöün Salaf ra senisefälietä pwal eu kinikin ünükün. Nge Mesulam nöün Perekia we mwän a senisefälietä ewe tit ünükün awenewenen ewe ia a imweimw ie.

Nehemia 3:4

Meremot nöün Uria we mwän, nge Uria nöün Hakos, a senisefälietä ewe kinikin ünükün. Nge Mesulam nöün Perekia we mwän, nge Perekia nöün Mesesapel, a senisefälietä ewe kinikin ünükün senien Meremot. Iwe, Satok nöün Pana we mwän a senisefälietä ewe kinikin ünükün.

Nehemia 6:17

Lon ena fansoun ekewe aramas tekia seni Juta ra tinala chomong toropwe ren Topia, nge nöün Topia kewe toropwe ra pwal toriir.

Nehemia 6:19

Iwe, ekewe aramas ra apworausa usun än Topia kewe föför mürina me fän mesei o asile ngeni i ai kewe kapas. Nge Topia a chök tinato rei toropwe pwe epwe aniuokusuei.

Nehemia 7:10

Ekewe mwirimwirin Ara ükükün wonopükü lime me ruoman.