Nehemia 6:16 - Chuukese Bible

¹⁶ Lupwen ekewe chon oputakem ra rongorong usun, nge chon ekewe mwü ünüküm ra küna ei, ra fokun säw, pun ra mefi pwe ei angang a fis ren än Kot alilis ngenikem.

Nehemia 6:16 Iomraidhean Croise

Nehemia 2:10

Nge lupwen Sanpalat ewe re Horon me Topia ewe nöüwisen Amon ra rong ei pworaus, ra fokun oput pwe eman a feito pwe epwe kütta feiöchün chon Israel.

Nehemia 4:1

Iwe, lupwen Sanpalat a rongorong pwe aia senisefälietä ewe tit, a song o fokun lingeringer. A esita ekewe chon Juta

Nehemia 4:7

Nge lupwen Sanpalat me Topia, pwal ekewe chon Arapia, ekewe chon Amon me ekewe chon Astot ra rongorong pwe angangen senisefälietä ewe tittin Jerusalem a soposopola, nge ekewe pwang ra arapakan pinela, ra fokun song.

Nehemia 6:17

Lon ena fansoun ekewe aramas tekia seni Juta ra tinala chomong toropwe ren Topia, nge nöün Topia kewe toropwe ra pwal toriir.

Kölfel 109:27

Kopwe amefi ngeniir pwe en, ai Samol mi Lapalap, ka amanauaei.

Kölfel 126:2

Lon ena fansoun kich sa takirikir. Sa mweireir fän pwapwa. Mürin, chon ekewe mwü ra apasa lefiler, “Ewe Samol mi Lapalap a föri föför mi amwarar fän iter.”

Kölfel 129:5

Amwo meinisin mi oput Sion repwe timär fän säw.

Kölfel 147:2

Ewe Samol mi Lapalap a aüsefälietä Jerusalem, a aliwinisefäli ekewe chon Israel mi oola.

Ekistos 14:25

pun a mwöch willen war woken, pwe ra weires le kul. Iwe, ekewe re Isip ra apasa, “Ousipwe sü seniir, pun ewe Samol mi Lapalap a peni chon Israel o fiu ngenikich.”

Jeremaia 33:9

Iwe, ei telinimw epwe afisätä ai pwapwa, ai iteüöch me än aramas mwareitiei. Chon ekewe mwü meinisin won fanüfan repwe niuokus o chechech, lupwen repwe rongorong usun ekewe feiöch meinisin üpwe awarato won ekewe chon Jerusalem, pwal usun ekewe wöü meinisin üpwe atoto won ei telinimw.”

Numperis 23:23

Pun esap wor och pöüt ika och rong epwe küw ekewe chon Israel o afeiengaueer. Lon ei fansoun repwe apasa usun ekewe aramasen Israel, ‘Nengeni mine Kot a föri fän iter.’

Föför 5:38

Iei met üpwe ürenikemi won ei lapalap. Ousap föri och mine epwe ü ngeni ekei mwän. Oupwe likitiirela! Are ar ekiek me ar föför a pop seni aramas, epwe ükütiu,

Josua 2:11

Iwe, lupwen äm aia rongorong ei pworaus, lelukem a kisikisila, nge esap chüen wor tipepwora ren eman aramas pokitemi. Pun ewe Samol mi Lapalap ämi Kot, i ewe Kot mi nom won läng pwal won fanüfan.

Josua 2:9

o üreniir, “Üa silei pwe ewe Samol mi Lapalap a ngenikemi ei fanü. Iwe, äm aia niuokusitikemi, nge chon ewe fanü meinisin ra rükö pokitemi.

Josua 5:1

Iwe, lupwen ekewe kingen chon Amor meinisin mi nom lotoun ewe chanpupu Jortan me ekewe kingen chon Kanaan meinisin mi nom aroset ra rongorong, pwe ewe Samol mi Lapalap a apwasatä lölön ewe chanpupu Jortan fän iten ekewe aramasen Israel tori ra pwerela pekila, a kisikisila leluker o ra rükö pokiten ekewe aramasen Israel.