Nehemia 6:14 - Chuukese Bible

¹⁴ Iwe, üa iotek, “Ai Kot, kopwe chechemeni mine Topia me Sanpalat ra föri. Kopwe pwal chechemeni ewe soufos fefin Noatia me ekewe lusun soufos mi mochen aniuokusuei.”

Nehemia 6:14 Iomraidhean Croise

Nehemia 13:29

Ai Kot, kopwe chechemeni ekei aramas, pun ra alimengaua ewe wisen souasor, ra pwal atai ewe pwon en ka föri ngeni ekewe souasor me ekewe mwän seni ewe ainangen Lefi.

Nehemia 5:19

Ai Kot, kopwe chechemeni meinisin mine üa föri fän iten ekei aramas o afeiöchüei.

Kölfel 137:7

Ai Samol mi Lapalap, kopwe chechemeni mine ekewe chon Etom ra föri lon ewe ränin Jerusalem a tala. Kopwe chechemeni usun ar apasa, “Ataela, ataela, aturätiu tori longolongun fan.”

Kölfel 22:1

Ai Kot, ai Kot, pwota ka likitieila? Pwota ka fokun toau seniei fän om alilis, pwal seni ai siöngau?

Kölfel 63:1

Ai Kot, en ai Kot üa tiliken le küttok. Inisi a apwangapwangala ren ai posituk, nge ngüni a kakaituk usun eu fanü mi pwasapwas o pön, esap wor koluk lon.

Ekistos 15:20

Iwe, Miriam fefinen Aaron eman soufos fefin a angei an pisekin kaktai, nge ekewe fefin meinisin ra tapwela mürin fän ar pisekin kaktai o pworuk.

Jeremaia 14:15

Iei mine ngang ewe Samol mi Lapalap üa apasa fänäsengesin ekewe soufos mi eäni wowo itei lon ar osuni, nge üsap akünöör, ir chokewe mi apasa pwe esap wor maun me lengita epwe tori ei fanü: Üpwe niela ekei soufos ren maun me lengita.

Jeremaia 14:18

Are üa feila ren ekewe mälämäl, üa küna chokewe mi mäla lon maun. Nge are üa tolong lon ewe telinimw, üa küna ekewe mi arap ngeni mäla ren lengita. Ekewe soufos me souasor ra feila lon eu fanü resap silei.’”

Jeremaia 28:1

Lon ewe chök ier, lepoputän mwün Setekia ewe kingen Juta, lon alimuen maramen ewe arüanün ierin an nemenem, eman soufos seni Kipeon itan Hanania nöün Asur we mwän a kapas ngeniei me lon imwen ewe Samol mi Lapalap me fän mesen ekewe souasor me ekewe aramas meinisin. A apasa,

Jeremaia 28:10

Mürin ewe soufos Hanania a angei ewe waas seni won üei o kupi.

Jeremaia 28:15

Mürin üa üreni ewe soufos Hanania, “Kopwe rongorong Hanania, ewe Samol mi Lapalap esap tinuk, nge en ka föri pwe ekei aramas ra lükü mine a chofana.

Mateus 24:11

Mürin chomong soufos chofona repwe feito o atupala chomong aramas.

Mateus 24:24

Pun kraist chofona me soufos chofona repwe war o föri asisil me manaman mi lapalap, pwe repwe mwo nge atupu ekewe chon fil are repwe tongeni.

Mateus 7:15

“Oupwe afälikemi ren ekewe soufos chofona, ra feito remi lon lapalapen sip me lükün, nge me lon letiper a wewe ngeni tipen ekewe wolif mi mwacho.

2. Timoty 3:8

Usun Jannes me Jampres ra ü ngeni Moses, ina usun ekei aramas ra ü ngeni ewe let, ir aramas mi fokun ngau ar ekiek, ar lükülük esap pwüng.

1. Johannes 5:16

Are eman a küna pwiin we pwe a föri och tipis esap emweni i ngeni mäla, epwe iotek ngeni Kot, pwe epwe ngeni i manau. Iei met epwe fis fän iten chokewe ar tipis esap emweniir ngeni mäla. Nge mi wor tipis mi emweni aramas ngeni mäla, üsap apasa pwe epwe iotek ngeni Kot usun ei.

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.