Nehemia 6:13 - Chuukese Bible

¹³ Popun ra möni Semaia, pwe epwe aniuokusuei pwe üpwe tipis ren ai föri ei föför, nge ir repwe tongeni aitengauaei o turunufaseei.

Nehemia 6:13 Iomraidhean Croise

Nehemia 6:12

Iwe, lupwen üa ekieki usun, üa mefi pwe Kot esap fos ngeni Semaia, nge i a eäni ei kapasen osuni ngeniei, pun Topia me Sanpalat ra möni.

Nehemia 6:6

Iei usun mine a mak lon ei toropwe, “Ei pworaus a chöfetal lein chon ekewe mwü, pwal Kesem a apasa, pwe en me ekewe re Juta oua ekiekin ü ngeni ewe mwü. Iei mine oua senisefälietä ewe tit. Nge soposopun ei pworaus, pwe en ka mochen pwe kopwe ar king.

Än Salomon Fos 22:1

Kopwe filätä iteüöch lap seni wöümong, pun än aramas aücheanikich a mürina seni silifer ika kolt.

Än Salomon Fos 29:5

Eman aramas mi eäni kapas amichimich ngeni chon arun a ameresala eu cheew fän iten püsin pechen.

Än Salomon Afalafal 7:1

Iteüöchün eman a mürina seni lö mi aüchea, nge ränin än eman mäla a aüchea seni ränin an uputiu.

Aisea 51:7

Oupwe aüselingaei, ämi mi silei mine a pwüng, ämi aramas mi amwöchü ai allük lon lelukemi. Ousap niueiti kapasen esit me ren aramas, ousap pwal apilükingau ren ar aitengauakemi.

Aisea 57:11

Iwe, ewe Samol mi Lapalap a apasa, “Iö oua niueiti pwe oua chofana ngeniei, ousap pwal chechemeniei ika ekieki usi? Ifa usun, sap ren ai fanafanala ngenikemi fansoun langatam, iei popun ousap niueitiei?

Jeremaia 1:17

Nge en Jeremaia kopwe amolokotä. Kopwe feila o üreniir meinisin mine üa akünö ngonuk. Kosap rükö rer, pwe üsap arüköök me fän meser.

Jeremaia 18:18

Mürin, ekewe aramas ra apasa, “Ousipwe rawangauei Jeremaia. Pun a chüen wor ekewe souasor mi aiti ngenikich ekewe allük, ika ekewe soutipachem mi öüröürakich, ika ekewe soufos mi afalafalakich. Ousipwe atipisi, nge sisap afäli mine a apasa.”

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Isikiel 2:6

Nge en nöün aramas, kosap niueitiir, kosap pwal niuokusiti ar kapas, kosap niuokus, inamwo ika om nonom lefiler a usun chök om nom lefilen iräfölüföl, ika om nom lein chöükö. Kosap fokun niuokusiti ar kapas ika niueitiir, inamwo ika ir eu täppin aramas mi lükümach o ü ngeniei.

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Mateus 22:15

Mürin ekewe Farisi ra feila o pwüngüpwüngfengen usun ar repwe särei Jesus ren ar kapas ais.

Mateus 26:59

Iwe, ekewe souasor mi lap me unusen ewe mwichen soupwüng ra kütta och popun mi mwäl ar repwe tip ngeni Jesus won pwe epwe mäla,

Föför 6:13

Mürin ra emwenato ekoch mwän ar repwe apasa kapas chofona usun i. Ra üra, “Ei mwän esap ükütiu le kapasingau usun ach ei mwichefel me än Moses kewe allük.

2. Korint 11:12

Iwe, ngang üpwe chök sopwela le föri mine üa föri iei, pun üa mochen pinei än ekewe pwal ekoch “soukünö” aingaing pwe ra föri ar angang usun chök äm.

1. Timoty 5:14

Iei mine üa mochen pwe ekewe fefin mi mä pwülüer nge ra ier kükün repwe pwüpwülüsefäl, repwe nöünöü o tümwünü angangen lon imwer. Repwe föri ei pwe resap awora ngeni ekewe chon oputakich och popun ar repwe kapasingau usuch.

2. Timoty 1:7

Pun ewe Ngünmifel Kot a ngenikich esap afisi ngenikich ach sipwe pireir, nge a ngenikich Ngünün mi aurakich ren pwora, chen me ewe tufichin püsin nemeni inisich.

Titus 2:8

Kopwe aea kapas mi pwüng, pwe esap wor eman epwe tongeni esitok. Mürin, ekewe chon oputom repwe säw, pun esap wor och kapas mi ngau repwe tongeni apasatä usuch.

James 4:17

Iei mine eman aramas mi silei mine a mürina, nge esap föri, a tipis.

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”