Nehemia 6:1 - Chuukese Bible

¹ Iwe, Sanpalat me Topia pwal Kesem ewe re Arapia me ekewe lusun chon oputakem ra rongorong pwe üa awesala angangen ewe tit, esap pwal chüen wor eu pwang a nom won, nge lon ei fansoun üsamwo amasalong ekewe asam lon lenier.

Nehemia 6:1 Iomraidhean Croise

Nehemia 13:4

Nge me lom ewe souasor Eliasip mi kefilitä, pwe epwe tümwünü ekewe rumwen iseis lon imwen äm we Kot, a pwipwi ngeni Topia.

Nehemia 2:10

Nge lupwen Sanpalat ewe re Horon me Topia ewe nöüwisen Amon ra rong ei pworaus, ra fokun oput pwe eman a feito pwe epwe kütta feiöchün chon Israel.

Nehemia 2:19

Nge lupwen Sanpalat ewe re Horon me Topia ewe nöüwisen Amon pwal Kesem ewe re Arapia ra rong usun, ra esitakem o turunufaseekem. Iwe, ra üra, “Met popun oua föri ei? Ifa usun, oua mochen ü ngeni ewe king?”

Nehemia 3:1

Iwe, ewe souasor mi lap Eliasip me pwin kewe souasor ra popuetä le försefäli ewe Asamalapen Sip. Ra apini ewe asamalap o amasalong ekewe asam lon lenier. Ra pwal senätä ewe tit tori ewe Imw Tekia itan Ipükü pwal tori ewe Imw Tekia imwen Hananel o apini.

Nehemia 3:3

Nöün Hasena kewe mwän ra förätä ewe Asamalapen Ik. Ra pachetä irän penkasaman o amasalong ekewe asam lon lenier, ra pwal apachätä amwöchür me lokkur kewe.

Nehemia 3:6

Joiata nöün Pasea we mwän me Mesulam nöün Pesoteia ra försefäli ewe Asamalapen Lom. Ra pachetä penkasaman o amasalong ekewe asam lon lenier, ra pwal apachätä amwöchür me lokkur kewe.

Nehemia 4:1

Iwe, lupwen Sanpalat a rongorong pwe aia senisefälietä ewe tit, a song o fokun lingeringer. A esita ekewe chon Juta

Nehemia 7:1

Iwe, lupwen ewe tit a wes le ses, a pwal försefäl ekewe asamalap, ekewe chon mamasa ekewe asamalapen imwenfel, ekewe chon köl me ekewe mwän seni ewe ainangen Lefi ra kefilitä ngeni en me an angang.

Taniel 9:25

Kopwe silei o weweiti ei: Seni fansoun ewe kapas a towu pwe Jerusalem epwe kaüsefäl tori waren ewe sounemenem, ätewe mi kepit, ükükün fisu fän fisu ier repwe la. Iwe, Jerusalem epwe kaüsefäl, epwe pwal wor alan me an lenien chulap. Epwe nom lon ükükün fisu fän wone me ruu ier, nge epwe eu fansoun osupwang.