Nehemia 5:9 - Chuukese Bible

⁹ Iei mine üa üra, “Ei föför oua föri esap öch. Ifa usun, ousap niuokusiti ach we Kot o föri mine a pwüng, pwe chon ekewe mwü mi oputakich resap turunufaseekich?

Nehemia 5:9 Iomraidhean Croise

Keneses 20:11

Nge Apraham a pälüeni, “Üa föri ei, pun üa ekieki pwe aramasen ei leni resap niueiti Kot, iwe, repwe nieila pokiten pwülüei we.

Keneses 42:18

Nge lon aülüngatin rän Josef a üreniir, “Ngang eman mi niueiti Kot. Iei oupwe föri mine üpwe ürenikemi pwe oupwe manau.

2. Samuel 12:14

Nge pokiten ei föför ka awora popun än ekewe chon oput ewe Samol mi Lapalap repwe turunufasei i, iei mine ewe mönükol epwe upu ngonuk epwe mäla.”

Nehemia 4:4

Iwe, ngang Nehemeia üa iotek, “Äm Kot, kopwe aüselingakem, pun äm aia küna turunufas. Kopwe ukun ngeniir ar takirin ämängau o asechirela pwe aramas repwe angei ar pisek fän pöchökül, nge ir repwe oola lon eu fanü.

Nehemia 5:10

Nge pwal ngang me pwii kewe me nei kewe chon angang äm aia mwütätä ngeni aramas moni me wiich. Ousipwe ükütiu le angei manauen nöüch moni seni ar liwinimang.

Nehemia 5:15

Ekewe kepina mi akom mwei ra aweiresi ekewe aramas o angei seniir ener mongö o ünümer wain iteiten rän won ükükün faik föün moni silifer. Pwal nöür chon angang ra ariaföüü ekewe aramas. Nge ngang üsap föri iei usun, pun üa niuokusiti Kot.

Kölfel 90:11

Nge iö a mefi manamanen om song, nge iö a silei an epwe niuokusiti om lingeringer?

Än Salomon Fos 16:29

Eman aramas mi mwänewüs a atupu chon arun o emweniir ngeni föför mi ngau.

Än Salomon Fos 17:26

Esap pwüng pwe eman chon pwüng epwe mönätiu liwinin eu tipis esap tipisin, a pwal fokun mwäl are aramasöch repwe angei wichiwich fän iten ar wenechar.

Än Salomon Fos 18:5

Esap mürina ach sipwe echeni eman aramasangau ika ach sipwe arikala pwüngün kapwüng seni eman esap wor an tipis.

Än Salomon Fos 19:2

Esap öch pwe eman aramas epwe tiliken le föri och, nge esap wor an silelap, nge eman mi müttir le föri och epwe mwäl.

Än Salomon Fos 24:23

Ikkei pwal ekoch mwiitun seni ekewe mi tipachem: A ngau ngeni eman soukapwüng an epwe lifilifil aramas lon kapwüng.

Isikiel 36:20

Nge lupwen ra tori chon ekewe mwü, ra aitengaua itei mi pin ekis meinisin, pun aramas ra apasa usur, ‘Inamwo ika ir nöün ewe Samol mi Lapalap aramas, nge ra chök towu seni fanüan.’

Lifitikos 25:36

Iwe, kosap angei manauen an liwinimang ngonuk. Nge kopwe niueiti om we Kot o mwüt ngeni pwiüm we chon Israel an epwe nonomola reöm won ewe fanü.

Föför 9:31

Iwe, lon ena fansoun a fis pwe a kinamwela ekewe mwichefel lon unusen Jutea, Kalilea me Samaria. Ra pöchökülela o chochomongola ren än ewe Ngünmifel alilis o ra manau ren ar asamolu ach Samol.

Nöün Paulus Toropwe ngeni ekewe Souläng lon Rom 2:24

Ekewe Toropwe mi Pin ra apasa, “Pokiten ämi chon Juta, ekewe chon lükün Israel ra aitengaua iten Kot.”

1. Timoty 5:14

Iei mine üa mochen pwe ekewe fefin mi mä pwülüer nge ra ier kükün repwe pwüpwülüsefäl, repwe nöünöü o tümwünü angangen lon imwer. Repwe föri ei pwe resap awora ngeni ekewe chon oputakich och popun ar repwe kapasingau usuch.

Titus 2:5

usun ar repwe nemeni püsin inisiir o eäni eu letip mi limöch, usun ar repwe sipeöch le angang lon imw, repwe eäni kirikiröch o aleasochis ngeni pwülüer, pwe esap wor eman epwe kapas ingau usun än Kot kapas.

1. Petrus 2:12

Oupwe eäni föföröch lein ekewe chon lükün lamalam, pwe lupwen repwe atipisikemi pwe oua föri föför mi ngau, repwe küna ämi föför mürina o mwareiti Kot lon ewe Rän epwe wareto lon.

1. Samuel 2:24

Nei mwän, oupwe ükütiu le föri ei sokun föför. Pun mine üa rongorong seni nöün ewe Samol mi Lapalap kewe aramas ra apworausafetalei, esap eu pworaus mi öch.