Nehemia 5:7 - Chuukese Bible

⁷ Üa ekieki usun ei lapalap. Mürin üa apwüngü ekewe aramas tekia me ekewe nöüwis o üreniir, “Ämi oua angei manauen nöümi moni seni pwimi kewe chon Juta.” Iwe, üa amwichafengeni eu mwichemongun aramas pwe üpwe fos ngeniir won ei osukosuk.

Nehemia 5:7 Iomraidhean Croise

Kölfel 109:11

Amwo ewe chon angei liwinimang epwe angei meinisin mine an, nge chon ekis repwe angei fän pöchökül uän an angang.

Kölfel 15:1

Ai Samol mi Lapalap, iö epwe tongeni tolong lon imwom mi pin? Iö epwe tongeni nonom won chukum mi pin?

Kölfel 15:5

A mwütawu nöün moni, nge esap angei winnan, esap pwal angei lifangen amichimich pwe epwe aturu eman esap wor an tipis. Ätewe mi föri ekei mettoch epwe nomopos won chukum mi pin.

Kölfel 27:8

En ka apasa, “Oupwe küttaei.” Nge ngang üa pälüeni, “Üa küttok, ai Samol mi Lapalap.”

Kölfel 4:4

Are oua song, oupwe afälikemi pwe ousap tipis ren. Oupwe ekieki ei lon lelukemi, lupwen ämi konola lon kiemi fän mosonoson.

Kölfel 94:16

Iö epwe ütä fän itei o ü ngeni ekewe aramasangau? Iö epwe nom won peki o ü ngeni ekewe chon föföringau?

Ekistos 22:24

Üpwe fokun song ngenikemi o nikemi lon maun pwe pwülüemi repwe lipichsefäl, nge nöümi repwe mäsen.

Ekistos 22:25

Iwe, are ka mwüt ngeni eman moni me lein nei aramas mi mwelele pwe epwe paroni, kosap usun eman mi awattela winnen nöün moni. Kosap fokun angei seni winnan.

Än Salomon Fos 27:5

A mürina om kopwe apwüngü eman le pwäpwäla lap seni om kopwe tongei eman, nge kosap pwäri ngeni.

Än Salomon Fos 28:4

Chokewe mi aleasolap ngeni ekewe allük ra mwareiti ekewe aramasangau, nge chokewe mi aleasochisi ekewe allük ra ü ngeniir.

Isikiel 22:12

Oua pwal angei lifangen amichimich pwe oupwe nimanauei aramas. Iwe, oua awattela winnen nöümi moni ika angei manauan seni chon arumi fän pöchökül, nge oua manlükieila,” iei alon Kot ewe Samol mi Lapalap.

Isikiel 45:9

Iei alon Kot ewe Samol mi Lapalap, “Oupwe ükütiu, ämi samolun Israel, oupwe ükütiu le föri föför mi mwänewüs me ariaföüü aramas, nge oupwe eäni pwüng me föföröch. Ousap chüen asüela nei aramas seni fanüer. Ngang Kot ewe Samol mi Lapalap üa kapas.

Lifitikos 19:15

Ousap sorei mine a pwüng lon ämi kapwüng. Ousap peni eman mi wöüngau ika awina eman mi lap, nge oupwe eäni kapwüng ngeni chon arumi fän pwüng.

Lifitikos 25:36

Iwe, kosap angei manauen an liwinimang ngonuk. Nge kopwe niueiti om we Kot o mwüt ngeni pwiüm we chon Israel an epwe nonomola reöm won ewe fanü.

Mateus 18:17

Iwe, are esap mochen aüseling ngeniir, kopwe asile ngeni chon mwichefel. Nge are esap mochen aüseling ngeni chon mwichefel, kopwe föri ngeni usun om kopwe föri ngeni eman esap lükü Kot ika eman chon ioni takises.

2. Korint 5:16

Seni ei fansoun sisap chüen ekieki och mettoch usun eman aramas lon pekin fituk. Inamwo ika sia ekieki usun Kraist lon pekin fituk me mwan, nge iei sisap chüen ekieki usun ei.

Kalatia 2:11

Nge lupwen Petrus a tori Antiokia, üa kapas awenewen ngeni me mwen ekewe aramas, pun a mwäl an föför.

1. Timoty 5:20

Kopwe apwüngüchou ekewe souakom mi föri tipis mwen mesen souläng meinisin, pwe pwal ekewe ekoch souläng repwe niuokus.

Titus 2:15

Ikkei ekewe mettoch kopwe aiti ngeni ekewe souläng. Kopwe aea om pwüüng lon wisom, lupwen kopwe apöchöküla än ekewe souläng lükülük, pwal lupwen om kopwe apwüngüür. Kosap mwüt ngeni eman epwe turunufaseek.