Nehemia 5:5 - Chuukese Bible

⁵ Iwe, äm me pwim kewe chon Juta aia eu chök fituk, nöüm ra usun chök nöür. Iei mwo nge aipwe mwütätä nöüm mwän me fefin pwe aramas repwe nöüniir amanau. Ekoch me lein nöüm kewe fefin aramas ra fen nöüniir amanau. Nge esap wor äm pwäk pwe aipwe awesi ei lapalap, pun ekoch aramas ra fen fanüeni fanüem o eäni äm kewe tanipin wain.”

Nehemia 5:5 Iomraidhean Croise

Keneses 29:14

Lapan a üreni, “Ellet, en chüi me fitukei.” Iwe, Jakop a nonom ren Lapan eu maram.

Keneses 37:27

Ou etto, sipwe amömöla pwiich ei ngeni ekanan chon Ismael. Nge ousisap niela. Pun i pwiich pwal fitukach.” Iwe, pwin kewe ra tipeeu ngeni.

2. King 4:1

Iwe, eman fefin mi mä pwülüan, ätewe eman me lein ewe mwichen soufos, a siö ngeni Elisa o üreni, “Pwülüei we noum chon angang a mäla. En ka silei pwe i eman mi meniniti ewe Samol mi Lapalap. Nge iei ätewe pwülüei a liwinimang ngeni a feito, pwe epwe angei seniei nei kewe ruoman ät o nöüniir amanau pokiten ewe liwinimang.”

Än Salomon Fos 22:7

Ekewe chon pisekisek ra nemeni ekewe chon wöüngau, nge ewe chon paaro i nöün ewe chon mwütätä amanau.

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.

Aisea 58:7

Kopwe ineti ngeni chon echik anom mongö, nge chon mwelele kopwe panalong lon imwom. Are kopwe küna eman mi selela, kopwe aüföüfa, nge kosap kul seni püsin aramasom.

Mateus 18:25

Iwe, ewe chon angang esap tongeni mönätiu an liwinimang. Iei mine ewe king a allük pwe repwe amömöla i me pwülüan me nöün kana pwal meinisin mine a eäni, pwe epwe tongeni awesi an we liwinimang.