Nehemia 5:19 - Chuukese Bible

¹⁹ Ai Kot, kopwe chechemeni meinisin mine üa föri fän iten ekei aramas o afeiöchüei.

Nehemia 5:19 Iomraidhean Croise

Keneses 40:14

Nge kose mochen kopwe chechemeniei lupwen om kopwe feiöchsefäl. Iwe, kopwe kirikiröch ngeniei o achemenieitä fän mesen Farao, kopwe pwal alisiei pwe üpwe towu seni ei imwen fötek.

2. King 20:3

“Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.

Nehemia 13:14

Ai Kot, kopwe chechemeniei fän äsengesin mine üa föri, nge kosap aücheangaua ai kewe föför mi mürina üa föri fän iten imwom me om kewe angang mi fis lon.

Nehemia 13:22

Iwe, üa allük ngeni ekewe mwän seni ewe ainangen Lefi, pwe repwe püsin alimöchüür, repwe feito o mamasa ekewe asamalap, pwe aramas repwe pinini pinin ewe ränin sapat. Ai Kot, kopwe chechemeniei fän äsengesin pwal ei föför üa föri, kopwe ümöümöch ngeniei lon om tong ellet mi fokun lapalap.

Nehemia 13:31

Iwe, üa pwal akota fansoun ineet ekewe aramas repwe uwato amwüchün ekewe asor me ekewe mwen ua. Ai Kot, kopwe chechemeni ei o afeiöchüei.

Kölfel 106:4

Ai Samol mi Lapalap, kopwe chechemeniei, lupwen ka pwäri om kirikiröch ngeni noum aramas. Kopwe pwal ochueilong, lupwen ka amanaueer,

Kölfel 40:17

Nge ngang üa wöüngau o osupwang, nge en ai Samol, ka ekiekiei. En ai chon alilis me ai Chon Amanau. Ai Kot, kosap mang le alisiei.

Jeremaia 29:11

Pun ngang üa silei mine üa ekieki ngenikemi. Üa ekieki feiöchümi, nge sap feiengauemi, pwe üpwe ngenikemi eu fansounöch me apilükülük.

Mateus 10:42

Are eman a aünü ngeni eman ekei kükün eu mwo chök kapen koluk mi patapat pokiten an tapweto müri, enlet, üpwe ürenikemi, epwe fokun angei liwinin.”

Markus 9:41

Enlet, üpwe ürenikemi, are eman epwe aünü ngenikemi eu kapen koluk, pokiten oua chon tapwela mürin Kraist, i epwe fokun angei liwinin.”