Nehemia 5:15 - Chuukese Bible

¹⁵ Ekewe kepina mi akom mwei ra aweiresi ekewe aramas o angei seniir ener mongö o ünümer wain iteiten rän won ükükün faik föün moni silifer. Pwal nöür chon angang ra ariaföüü ekewe aramas. Nge ngang üsap föri iei usun, pun üa niuokusiti Kot.

Nehemia 5:15 Iomraidhean Croise

Keneses 20:11

Nge Apraham a pälüeni, “Üa föri ei, pun üa ekieki pwe aramasen ei leni resap niueiti Kot, iwe, repwe nieila pokiten pwülüei we.

Keneses 42:18

Nge lon aülüngatin rän Josef a üreniir, “Ngang eman mi niueiti Kot. Iei oupwe föri mine üpwe ürenikemi pwe oupwe manau.

Nehemia 5:16

Üa fangala ai pöchökül fän iten angangen ei tit, nge üsap fanüeni eu fanü. Pwal nei chon angang meinisin ra chufengen le föri ei angang.

Nehemia 5:9

Iei mine üa üra, “Ei föför oua föri esap öch. Ifa usun, ousap niuokusiti ach we Kot o föri mine a pwüng, pwe chon ekewe mwü mi oputakich resap turunufaseekich?

Hiop 31:23

Pun üa niueiti än Kot apwüng, iei mine üsap tongeni föri ekei sokun föför.

Kölfel 112:1

Ousipwe mwareiti ewe Samol mi Lapalap. A feiöch ewe aramas mi niuokusiti ewe Samol mi Lapalap, mi pwapwaiti an epwe aleasochisi an kewe allük.

Kölfel 147:11

nge a pwapwa ren chokewe mi niuokusiti i, ren chokewe mi eäni apilükülük an tong ellet.

Än Salomon Fos 16:6

Kot epwe amusala tipisin eman aramas mi eäni kirikiröch me allükülük, nge ren än eman niuokusiti ewe Samol mi Lapalap a kul seni mine a ngau.

Än Salomon Fos 29:12

Are eman sounemenem a aüseling ngeni pworaus mi mwäl, nöün kewe nöüwis meinisin repwe aramasangau.

Aisea 50:10

Iö leimi a niueiti ewe Samol mi Lapalap o aleasochisi alon nöün we chon angang? Ätewe mi fetal lon rochopwak, nge esap küna och saram, epwe chök lükü ewe Samol mi Unusen Manaman o apilükülükü an we Kot.

Jeremaia 32:9

Iwe, üa möni ewe fanü lon Anatot seni Hanamel pwii we o aükü ngeni ewe moni ükükün engol me füföü föün silifer.

Kölün kechü 5:8

Chokewe aramas ra nöüniir amanau me lom ra nemenikem. Esap wor eman a angasakem seni fän nemenier.

Mateus 5:47

Are oua chök kapong ngeni chiechiemi kana, oua ekieki pwe oua föri och mi lap seni än pwal ekewe ekoch aramas föför? Pwal mwo nge ekewe resap silei Kot ra föri ei sokun.

2. Korint 11:9

Lon fansoun üa nom remi, üsap aweiresikemi lupwen üa nom lon osupwang. Pun pwiich kewe mi feito seni Masetonia ra uwato meinisin met üa osupwang ren. Usun mine üa föri lon ekewe fansoun me mwan, iei usun üpwe pwal föri lon kan fansoun mwach: Üsap fokun aweiresikemi!

2. Korint 12:13

Pun ren met a kis ämi feiöch seni ekewe ekoch mwichefel, nge eu chök pwe üsap aweiresikemi pwe oupwe ngeniei och alilis? Ouse mochen oupwe amusala ai mwäl.

1. Samuel 8:15

Epwe pwal angei eu leengolun föün fotämi wiich me wain o ngeni nöün kewe meilap me nöün kewe nöüwis.