Nehemia 5:13 - Chuukese Bible

¹³ Üa pwal äsupu pipin lenumun üfei o üra, “Iei usun Kot epwe äsupala iteiten eman me eman aramas seni lon imwan me lenian, ika esap apwönüetä ei pwon. Amwo epwe morotiu o pöla iei usun.” Iwe, unusen ewe mwichen aramas ra apasa “Amen”, ra pwal mwareiti ewe Samol mi Lapalap. Nge ekewe nöüwis ra föri usun mine ra eäni pwon.

Nehemia 5:13 Iomraidhean Croise

2. King 23:3

Nge ewe king a ütä lon lenian ren ewe ür o eäni eu pwon me fän mesen ewe Samol mi Lapalap, pwe epwe aleasochis ngeni ewe Samol mi Lapalap o apwönüetä an kewe allük me pwüüng ren unusen lelukan me unusen ngünün. Epwe pwal föri pwüngün kapasen ewe pwon mi mak lon ei puk. Iwe, ekewe aramas meinisin ra tipeeu pwe repwe eti le apwönüetä ewe pwon.

1. Kronika 16:36

Oupwe mwareiti ewe Samol mi Lapalap ewe Koten Israel seni fansoun esepop tori fansoun esemüch.” Mürin, ekewe aramas ra apasa, “Amen”, o mwareiti ewe Samol mi Lapalap.

Nehemia 8:6

Esra a mwareiti ewe Samol mi Lapalap ewe Kot mi Tekia, nge ekewe aramas meinisin ra aitietä pöür o apasa, “Amen, Amen.” Iwe, ra rotiu, ra chapetiu lepwül o fel ngeni ewe Samol mi Lapalap.

Kölfel 119:106

Üa pwon fän akapel o anükünükü pwe üpwe aleasochisi om kewe öüröür mi pwüng.

Kölfel 50:14

Ämi kilisou epwe ina ämi asor ngeni Kot. Oupwe apwönüetä ämi kewe pwon oua eäni ngeni Ewe mi Unusen Manaman.

Kölfel 76:11

Kopwe eäni om kewe pwon ngeni ewe Samol mi Lapalap om we Kot o apwönüretä. Chon ekewe fanü mi nom ünükün repwe uwato lifang ngeni Kot, ewe Kot aramas ra niuokusiti.

Än Salomon Fos 28:4

Chokewe mi aleasolap ngeni ekewe allük ra mwareiti ekewe aramasangau, nge chokewe mi aleasochisi ekewe allük ra ü ngeniir.

Än Salomon Afalafal 5:5

A mürina om kosap pwon, lap seni om kopwe pwon, nge kosap apwönüetä.

Numperis 5:22

Iwe, ei koluk mi atoto anümamau epwe tolong leutum pwe lukom epwe pwo, kopwe pwal rit.’ Iwe, ewe fefin epwe pälüeni, ‘Üa tipeeu ngeni. Epwe fis iei usun.’

Mateus 10:14

Iwe, are chon eu imw ika telinimw resap etiwakemi ika aüselingakemi, mürin oupwe towu seni ewe leni o wichikala pwülün fän pechemi.

Föför 13:51

Iwe, ekewe soukünö ra wichiki pwülün fän pecher pwe eu asisilen ar ü ngeni aramasen ewe telinimw o feila Ikonium.

Föför 18:6

Nge lupwen ekewe chon Juta ra ü ngeni Paulus o apasatä kapas mi ngau usun i, Paulus a pölüeniir ren an wichikala pwülün üfan o üreniir, “Are ämi oua pöütmwälila, püsin tipisimi, nge sap tipisi! Seni ikenai üpwe feila ren ekewe chon lükün Israel.”

1. Korint 14:16

Lupwen oua kilisou ngeni Kot lon ngünümi chök, epwe ifan usun än eman mi fiti ämi mwich epwe tongeni apasa “Amen” wesin ämi iotekin kilisou, are esap silei met oua kapas usun?

1. Samuel 15:28

Iwe, Samuel a üreni, “Ewe Samol mi Lapalap a kamwei senuk mwün Israel ikenai o ngeni eman chon arum mi mürina senuk.