Nehemia 5:10 - Chuukese Bible

¹⁰ Nge pwal ngang me pwii kewe me nei kewe chon angang äm aia mwütätä ngeni aramas moni me wiich. Ousipwe ükütiu le angei manauen nöüch moni seni ar liwinimang.

Nehemia 5:10 Iomraidhean Croise

Nehemia 10:32

Iwe, äm aia pwal püsin pwon pwe aipwe püngütiu eu lewalu aunus silifer iteiten ier fän iten angangen imwen äm we Kot:

Nehemia 5:11

Ikenai oupwe aliwini ngeniir fanüer, ar tanipin wain me tanipin olif pwal imwer kewe, oupwe pwal amusala ar liwinimangen moni, wiich, wain me apüra.”

Nehemia 5:7

Üa ekieki usun ei lapalap. Mürin üa apwüngü ekewe aramas tekia me ekewe nöüwis o üreniir, “Ämi oua angei manauen nöümi moni seni pwimi kewe chon Juta.” Iwe, üa amwichafengeni eu mwichemongun aramas pwe üpwe fos ngeniir won ei osukosuk.

Nehemia 5:9

Iei mine üa üra, “Ei föför oua föri esap öch. Ifa usun, ousap niuokusiti ach we Kot o föri mine a pwüng, pwe chon ekewe mwü mi oputakich resap turunufaseekich?

Kölfel 15:5

A mwütawu nöün moni, nge esap angei winnan, esap pwal angei lifangen amichimich pwe epwe aturu eman esap wor an tipis. Ätewe mi föri ekei mettoch epwe nomopos won chukum mi pin.

Aisea 58:6

Nge iei ei sokun echikefel üa tipeni: Kopwe apichala ririn chokewe mi fötek fän pwüngingau. Kopwe angasa chon riaföü me ren aramas o kupi iteiten waas mi chou won afarer.

Isikiel 18:13

A awattela winnen nöün moni o angei manauan. Ifa usun, ätei epwe manau? Apwi, esap fokun manau. Epwe fokun mäla, pun a föri ekei sokun föför mi anioput meinisin. Iwe, epwe chök angei chappen an föför.

Isikiel 18:7

Esap ariaföüü eman, nge a aliwini ngeni ewe chon liwinimang asisilen an pwon, esap pwal solä, nge a fangala anan mongö ngeni chon echik o aüföüfa chon mwelele.

Isikiel 18:8

Esap awattela winnen nöün moni ika angei manauan. Esap föri mine a pwüngingau, nge a wenechar lon an apwüngü osukosuken lefilen aramas.

Mika 2:1

Feiengauen chokewe mi ekiekietä mine a ngau o pwüngü rawangau me won kier. Lupwen a ränila, ra afisi mine ra ekieki, pun a nom rer ewe pöchökül ar repwe föri.

2. Korint 5:11

Äm aia silei usun ach niuokusiti ach Samol, iei mine aia sotuni le pese ngeni aramas ar repwe etiwa ewe Pworausen Manau. Kot a wesewesen silekem, nge ngang üa apilükülüköch pwe ämi oua pwal sileei lon letipemi.

2. Korint 5:20

Iei mine äm aia chon arong fän iten Kraist usun itä nge Kot a nöünöü äm le tüngor ngenikemi. Äm aia tüngormau ngenikemi fän iten Kraist: Oupwe chäfengen me Kot.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

Tuteronomi 15:2

Nge iei usun lapalapen ämi amusala: Ewe chon mwütätä liwinimang epwe amusa mine a ngeni chon arun. Esap fokun echimwa seni pwin we chon Israel ewe liwinimang, pun a tori ewe fansoun ewe Samol mi Lapalap a filätä pwe aramas repwe amusala liwinimang.