Nehemia 4:6 - Chuukese Bible

⁶ Iei usun aia senätä unusen ewe tit tori tekian a esop, pun ekewe aramas ra achocho le angang.

Nehemia 4:6 Iomraidhean Croise

1. Kronika 29:14

Nge iö chök ngang, pwal iö chök nei aramas, pwe äm aia tongeni fang ei aükükün fän mochenin letipem? Pun mettoch meinisin ra feito senuk, nge mine äm aia fang ngonuk püsin om.

1. Kronika 29:3

Nge lükün ekei pisek üa amolätä fän iten ewe imwenfel üa pwal achu ngeni kolt me silifer seni püsin ai lenien iseis pisek mi aüchea. Iwe, pokiten üa aücheani imwen ai we Kot, üa fangala fän itan ekei mettoch:

2. Kronika 29:36

Nge Hiskia me ekewe aramas meinisin ra pwapwa, pokiten Kot a alisiir, pwe ra tongeni müttir föri ekei föför.

Nehemia 4:5

Kosap amusala ar pupungau, kosap pwal amoela ar tipis seni fän mesom. Pun ir ra turunufasei ekewe chon ses.”

Nehemia 4:7

Nge lupwen Sanpalat me Topia, pwal ekewe chon Arapia, ekewe chon Amon me ekewe chon Astot ra rongorong pwe angangen senisefälietä ewe tittin Jerusalem a soposopola, nge ekewe pwang ra arapakan pinela, ra fokun song.

Nehemia 6:15

Iwe, lon rüe me limuen ränin ewe maram Elul ewe tit a wesila. Ra angang ngeni lon ükükün lime me ruu rän.

Kölfel 110:3

Lon ränin om kopwe maun ngeni chon oputom noum aramas repwe etuk fän püsin letiper o üföüf ekewe üf mi pin. Usun amurenipwin mi nom lesosorusich, iei usun noum kewe alüal repwe feito reöm.

Kölfel 122:3

Jerusalem a kaüsefälitä usun eu telinimw mi nükünüköch.

Akai 1:14

Iwe, ewe Samol mi Lapalap a apöchökülätä letipen Serupapel ewe kepinan Juta me letipen Josua ewe souasor mi lap, pwal letipen ekewe lusun aramas mi chüen manau, pwe ra feito o angang ngeni Imwenfelin ewe Samol mi Unusen Manaman ar we Kot.

Filipi 2:13

pun Kot ewe a angang lomi, epwe afisätä ämi mochen me ämi tufichin apwönüetä letipan.

Ipru 13:21

epwe atufichikemi ren mettoch meinisin mi mürina, pwe oupwe föri letipan. Epwe föri loch ren Jesus Kraist mine i epwe pwapwa ren. Kraist epwe ling tori feilfeilachök! Amen.