Nehemia 4:2 - Chuukese Bible

² o apasa me fän mesen chiechian kewe me ekewe sounfiun Samaria, “Met ekei chon Juta mi fokun apwangapwang ra föri? Ifa usun, repwe tongeni aüsefälietä ei telinimw? Ifa usun, ra ekieki pwe repwe tongeni föri ar asor o awesi ei angang lon eu chök rän? Ifa usun, repwe tongeni aeasefäl ekewe fau mi karala seni ewe ioien pipi?”

Nehemia 4:2 Iomraidhean Croise

Esra 4:4

Mürin, ekewe aramas mi nom lon ewe fanü ra atipemwaramwara ekewe chon Juta o aniuoksuur pwe resap aüetä ewe imwenfel.

Nehemia 12:27

Iwe, lupwen fansoun efinünen ewe tittin Jerusalem ra kütta ekewe mwän seni ewe ainangen Lefi lon lenier kewe meinisin o emwenireto Jerusalem, pwe repwe föri efinünen ewe tit fän pwapwa, fän kölün kilisou, fän ar pisekin kaktai, fän tikin kitar me ükülele.

Nehemia 12:43

Lon ena rän ra eäni asor chomong mönün asor, ra pwal meseik, pun Kot a föri pwe repwe meseik fän pwapwa mi watte. Pwal ekewe fefin me semirit ra meseik. Iwe, aramas ra rongorong me toau än chon Jerusalem pwapwa.

Nehemia 4:10

Lon ei fansoun ekewe chon Juta ra apasa, “Pöchökülen ekewe chon uwouchou a kisikisila, a pwal wor chomong ioien pipi. Äm aisap tongeni awesi ewe angang ngeni ewe tit.”

Nehemia 6:15

Iwe, lon rüe me limuen ränin ewe maram Elul ewe tit a wesila. Ra angang ngeni lon ükükün lime me ruu rän.

Kölfel 83:4

Ra apasa, “Ou etto, ousipwe aroserela pwe resap chüen eu mwü, esap pwal wor eman epwe chüen chechemeni Israel.”

Jeremaia 26:18

“Mika seni Moroset a osuni lon fansoun Hiskia ewe kingen Juta o üreni ekewe aramasen Juta meinisin, ‘Iei alon ewe Samol mi Unusen Manaman: Sion epwe tutä usun eu mälämäl. Jerusalem epwe wiliti eu ioien pipi, nge ewe chuk ia ewe imwenfel a nom ie epwe wiliti eu wöllap.’

Jeremaia 33:24

“Ifa usun, kosap rongorong än ekei aramas apasa pwe ngang ewe Samol mi Lapalap üa pöütala Israel me Juta, ekewe ruu mwü üa fen filiretä? Iei usun ra turunufasei nei aramas, pwe resap chüen ekieki pwe ir eu mwü.

Taniel 9:25

Kopwe silei o weweiti ei: Seni fansoun ewe kapas a towu pwe Jerusalem epwe kaüsefäl tori waren ewe sounemenem, ätewe mi kepit, ükükün fisu fän fisu ier repwe la. Iwe, Jerusalem epwe kaüsefäl, epwe pwal wor alan me an lenien chulap. Epwe nom lon ükükün fisu fän wone me ruu ier, nge epwe eu fansoun osupwang.

Apakuk 3:2

Ai Samol mi Lapalap, üa rongorong pworausen mine ka föri, iwe, üa niuokus ren. Ai Samol mi Lapalap, kopwe försefäli om kewe föför mi amwarar lon äm ei fansoun, usun ka föri me lom. Lon om lingeringer kopwe pwal eäni ümöümöch.

Sekaraia 12:8

Lon ena fansoun ewe Samol mi Lapalap epwe tümwünü ekewe chon Jerusalem, pwe chokewe mi fokun apwangapwang repwe pöchökül usun chök Tafit, nge ekewe mwirimwirin Tafit repwe emweniir usun chök Kot, usun chök nöün ewe Samol mi Lapalap chon läng.

Sekaraia 4:10

Iö kana mi esita ewe rän, lupwen ewe angang a popuetä, pun a kükün, repwe meseik, lupwen repwe küna pwe Serupapel a sopwela le aüetä ewe Imwenfel.” Iwe, ewe chon läng a üreniei, “Ekei fisu lamp mesen ewe Samol mi Lapalap mi nenefetal won unusen fanüfan.”

1. Korint 1:27

Nge Kot a filätä ekewe mi umwes me ren fanüfan, pwe epwe asäwa ekewe chon tipachem. Kot a pwal filätä ekewe mi apwangapwang me ren fanüfan, pwe epwe asäwa ekewe chon pöchökül.