Nehemia 4:15 - Chuukese Bible

¹⁵ Nge lupwen chon oputakem ra rongorong pwe aia silei usun ar ekiekin rawangauakem, ra mefi pwe Kot a ataela ar ekiek. Mürin äm meinisin aia liwin ngeni en me an angang won ewe tit.

Nehemia 4:15 Iomraidhean Croise

2. Samuel 15:31

Lupwen eman a asile ngeni Tafit pwe Ahitofel a nom lein chokewe mi fiti Apsalom lon an raw, Tafit a iotek, “Ai Samol mi Lapalap, üa tüngor ngonuk pwe kopwe sorei än Ahitofel öüröür pwe epwe fokun mwäl.”

2. Samuel 17:14

Iwe, Apsalom me ekewe re Isarel meinisin ra üra, “Än Husai öüröür a mürina seni än Ahitofel öüröür.” Pun ewe Samol mi Lapalap a filätä pwe epwe atai än Ahitofel we öüröür mi mürina o uwato feiengau won Apsalom.

Nehemia 4:16

Seni ewe ränin esop me lein nei kewe chon angang ra angang ngeni ewe tit, nge esop ra amwöchü siles, tittin maun me esefich o üföüf üfen maun. Nge ekewe souemwen ra apöchöküla leluken ekewe chon Juta meinisin

Än Salomon Fos 21:30

Än aramas tipachem, mirit me kapasen öüröür resap tongeni üpalü ngeni ewe Samol mi Lapalap.

Aisea 44:25

Ngang ätewe mi apatala manen ekewe soufos chofana o aitengaua ekewe soupwe, üa pwal esita ekewe chon tipachem o siwili ar tipachem ngeni umwes.

Aisea 8:10

Oupwe pwüngüpwüngfengen, nge ousap fokun pwäk ngeni och. Oupwe pwal apwüngala och, nge esap fokun fis, pun Kot ailem.

Markus 13:34

Epwe usun chök eman mwän a saila toau, nge a likitala nöün chon angang pwe repwe tümwünü meinisin mine a eäni. A awisa ngeni eman me eman an angang o allük ngeni ewe chon mamasa ewe asamalap, pwe epwe mamas.

Nöün Paulus Toropwe ngeni ekewe Souläng lon Rom 12:11

Oupwe achocho le angang, nge ousap chipwang. Oupwe angang ngeni ewe Samol ren unusen letipemi.

1. Tesalonika 4:11

Oupwe achocho ngeni ämi oupwe manaueni eu manau mi mosonoson, oupwe en me püsin föri an angang o anganga met oupwe manau ren usun aia fen ürenikemi me mwan.