Nehemia 4:14 - Chuukese Bible

¹⁴ Iwe, lupwen üa küna pwe ekewe aramas ra niuokus, üa üreni ekewe aramas tekia, ekewe nöüwis pwal ekewe lusun aramas, “Ousap niuokusiti ekewe chon oputach. Oupwe chechemeni ewe Samol mi tekia, aramas ra niuokusiti. Oupwe maun fän iten pwimi kewe chon Juta fän iten nöümi ät me nengin, pwal fän iten pwülüemi me leniemi.”

Nehemia 4:14 Iomraidhean Croise

2. Samuel 10:12

Kopwe tipepwora. Sipwe tipen mwän fän iten nöüch aramas, pwal fän iten ekewe telinimwen ach we Kot. Nge ewe Samol mi Lapalap epwe föri mine a öch me ren.”

2. Kronika 32:7

“Oupwe apöchökülakemi o tipepwora. Ousap niuokus ika apilükingau me mwen ewe kingen Asiria me ewe mwichemongun sounfiu mi nom ren. Pun mi wor eman mi manaman a nom rech, lap seni ewe mi eti ätenan.

Nehemia 1:5

Üa apasa, “Ai Samol mi Lapalap Koten läng, en ewe Kot mi tekia, äm aia niuokusituk. Ka apwönüetä om pwon me tong ellet ngeni chokewe mi echenuk o aleasochisi om kewe allük.

Hiop 37:22

Seni efeng a tineto eu saram mi molupolup usun kolt. A wor ling mi aniuokus pwelin ünükün Kot.

Kölfel 143:5

Üa chechemeni ewe fansoun lom o ekieki usun mine ka fen föri. Üa ekieki usun om kewe föför.

Kölfel 20:7

Ekoch aramas ra anomu ar apilükülük won war wokenin maun, ekoch ra anomu won nöür oris, nge kich sia anomu ach apilükülük won manamanen ewe Samol mi Lapalap ach we Kot.

Kölfel 27:1

Ewe Samol mi Lapalap i ai saram me ai Chon Amanau. Üsap niueiti eman. Ewe Samol mi Lapalap a tümwünüei seni feiengau, üsap fokun niuokus.

Kölfel 46:11

Ewe Samol mi Unusen Manaman a etikich, än Jakop we Kot i ach lenien op mi pöchökül.

Kölfel 65:5

Ai Kot äm Chon Amanau, ka pälüenikem fän pwüng ren föför mi amwarar. En ewe chon fanüfan meinisin pwal chon ekewe fanü toau mi nom lematau ra eänuk apilükülük.

Kölfel 66:3

Oupwe apasa ngeni Kot, “Om kewe föför ra fokun amwarar. Om kewe manaman ra kon lapalap, pwe chon oputok ra chapetiu me mwom fän niuokus.

Kölfel 66:5

Oupwe feito o nenengeni mine Kot a föri. An kewe föför me lein aramas ra fokun amwarar.

Ekistos 14:14

Ewe Samol mi Lapalap epwe fiu fän itemi, nge ämi oupwe chök fanafanala.”

Ekistos 14:25

pun a mwöch willen war woken, pwe ra weires le kul. Iwe, ekewe re Isip ra apasa, “Ousipwe sü seniir, pun ewe Samol mi Lapalap a peni chon Israel o fiu ngenikich.”

Än Salomon Afalafal 12:1

Iwe, lealüalum kopwe chechemeni ewe mi föruk, mwen ekewe rän mi ngau repwe feito. Pun epwe war ewe fansoun kopwe apasa usun, “Usap fokun efich ei fansoun üa nom lon.”

Taniel 11:32

Ewe king epwe michi chokewe mi pöütala ar lamalam pwe repwe eti, nge chokewe mi silei ar Kot repwe tipepos o ü ngeni.

Sekaraia 14:3

Mürin, ewe Samol mi Lapalap epwe feito o maun ngeni chon ekewe mwü, usun a fen föri lon fansoun maun.

Numperis 14:9

Nge ousap fokun ü ngeni ewe Samol mi Lapalap, ousap pwal niuokusiti aramasen ewe fanü, pun ir chök okufuach. Iwe, ar apilükülük a sü seniir, nge ewe Samol mi Lapalap a etikich. Ousap fokun niuokusitiir.”

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Tuteronomi 1:21

Nengeni, ewe Samol mi Lapalap ämi we Kot a ngenikemi ewe fanü. Oupwe feitä o fanüeni, usun ewe Samol mi Lapalap än ämi kewe lewo we Kot a ürenikemi. Ousap niuokus, ousap pwal apilükingau.’

Tuteronomi 10:17

Pun ewe Samol mi Lapalap ämi we Kot, i eman Kot mi tekia seni ekewe kot me ekewe samol meinisin, eman Kot mi tekia o manaman pwal eniwokus, esap lifilifil aramas, esap pwal angei lifangen amichimich.

Ipru 13:6

Iei mine sipwe tongeni apasa fän apilükülüköch, “Ewe Samol i ai Soualilis, üsap fokun niuokus, met aramas repwe tongeni föri ngeniei?”

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”

Soukapwüng 3:27

Nge lupwen a tori won chukuchukutän ewe fanü Efraim, a ettiki ewe rappwa pwe ekewe re Israel repwe mwicheto ren, pwe repwe maun. Mürin, ra etatiu Ehut seni won ewe fanü mi chukuchukutä, nge i a akom mwer.