Nehemia 4:10 - Chuukese Bible

¹⁰ Lon ei fansoun ekewe chon Juta ra apasa, “Pöchökülen ekewe chon uwouchou a kisikisila, a pwal wor chomong ioien pipi. Äm aisap tongeni awesi ewe angang ngeni ewe tit.”

Nehemia 4:10 Iomraidhean Croise

2. Kronika 2:18

Salomon a awisa ükükün fik ngeröü me leir pwe repwe keki metoch mi chou, walik ngeröü pwe repwe tuw fau lon ewe fanü mi chukuchukutä, pwal ülüngatngeröü wonopükü souemwenin angang pwe repwe nemeni ekewe aramas o angangeer.

2. Kronika 34:13

ra nemeni chokewe mi uwou mettoch mi chou o emweni meinisin mi föri sokopaten angang. Iwe, ekoch me lein ekewe mwän seni ewe ainangen Lefi ra pwal soumak, nöüwis me chon mamasa ekewe asamalap.

Nehemia 4:11

Nge ekewe chon oputakem ra apasa, “Mwen ar repwe silei äm rawangau ika künakem, äm aipwe nom lefiler o nirela pwe ewe angang epwe ükütiu.”

Nehemia 4:2

o apasa me fän mesen chiechian kewe me ekewe sounfiun Samaria, “Met ekei chon Juta mi fokun apwangapwang ra föri? Ifa usun, repwe tongeni aüsefälietä ei telinimw? Ifa usun, ra ekieki pwe repwe tongeni föri ar asor o awesi ei angang lon eu chök rän? Ifa usun, repwe tongeni aeasefäl ekewe fau mi karala seni ewe ioien pipi?”

Nehemia 4:9

Nge aia iotek ngeni äm Kot, aia pwal alenia chon mamas repwe tümwünükem seniir lerän me lepwin.

Isikiel 29:18

“Nöün aramas, Nepukatnesar ewe kingen Papilon a awisa ngeni nöün mwichen sounfiu och angang mi weires, repwe föri lon ar maun ngeni Tirus. Iwe, iteiten möküren sounfiu a paan, iteiten afar a kinas, nge Nepukatnesar esap fokun angei och liwinin ei angang seni Tirus fän itan ika fän iten nöün kewe sounfiu.

Akai 1:2

Ewe Samol mi Unusen Manaman a üreni Akai, “Ekei aramas ra apasa pwe esamwo tori fansoun ar repwe aüsefälieta Imwenfelin ewe Samol mi Lapalap.”

Numperis 13:31

Nge chienen Kalep kewe mi eti le feitä ra apasa, “Sisap tongeni fiu ngeni ekewe aramas, pun ra kon pöchökül senikich.”

Numperis 32:9

Iwe, ra feila tori ewe lemolun Eskol o küna ewe fanü, nge lupwen ra liwinto, ra atipetipa leluken ekewe aramasen Israel, pwe resap feila o tolong lon ewe fanü ewe Samol mi Lapalap a ngeniir.