Nehemia 3:8 - Chuukese Bible

⁸ Nge Usiel nöün Haraia we mwän seni ewe mwich mi angang ngeni kolt a senisefälietä ewe kinikin ünükün senier. Iwe, Hanania, eman me lein ekewe chon föri lö, a senisefälietä ünükün. Ra senisefälietä tittin Jerusalem tori ewe Tit mi Chölap.

Nehemia 3:8 Iomraidhean Croise

Keneses 50:2

Mürin, Josef a allük ngeni nöün kewe chon angang mi sousäfei pwe repwe säfeeni saman. Iei mine ekewe sousäfei ra säfeeni Israel.

Nehemia 12:38

Iwe, ewe aruuen mwich mi kölün kilisou a pwerela ngeni peliefengin me won ewe tit, nge ngang üa tapwela mürir fiti esopun ewe mwichen samolun ekewe aramas. Äm aia fetal asen ewe imw tekia Lenien Umw o fetal ngeni ewe tit mi chölap.

Ekistos 30:25

Seni ekei mettoch kopwe föri eu löön epit mi pin usun chon föri lö ra föri.

Än Salomon Afalafal 10:1

Iwe, eu lö mi pwokus epwe pwongauala, lupwen kiliso mi mä ra nonom lon. Ina usun ekis chök föförün umwes a pwölüela mirit me iteüöch.

Aisea 46:6

Chokewe mi atowu kolt seni ar lenien iseis o kiloni silifer won eu kilo, ra möni eman chon angang ngeni kolt, pwe epwe föri uluulun eman kot ren. Mürin ra chapetiu mwan o fel ngeni.