Nehemia 3:32 - Chuukese Bible

³² Nge chokewe mi angang ngeni kolt me ekewe chon amömö ra senisefälietä ewe tit seni ewe rumw mi nom asen pwokukun ewe tit tori ewe Asamalapen Sip.

Nehemia 3:32 Iomraidhean Croise

Nehemia 12:39

Seni ikenan aia feila asen ewe Asamalapen Efraim o feila ngeni ewe Asamalapen Lom, ngeni ewe Asamalapen Ik me ewe imw tekia imwen Hananel, pwal ngeni ewe imw tekia itan Ipükü tori ewe Asamalapen Sip. Iwe, aia kaüla ren ewe Asamalapen Chon Mamas.

Nehemia 3:1

Iwe, ewe souasor mi lap Eliasip me pwin kewe souasor ra popuetä le försefäli ewe Asamalapen Sip. Ra apini ewe asamalap o amasalong ekewe asam lon lenier. Ra pwal senätä ewe tit tori ewe Imw Tekia itan Ipükü pwal tori ewe Imw Tekia imwen Hananel o apini.

Nehemia 3:31

Malkia eman me lein chokewe mi angang ngeni kolt a senisefälietä eu kinikin ünükün tori imwen ekewe chon angang ngeni ewe imwenfel pwal imwen ekewe chon amömö awenewenen ewe Asamalapen Chon Mamas, pwal tori ewe rumw mi nom asen pwokukun ewe tit.

Nehemia 3:8

Nge Usiel nöün Haraia we mwän seni ewe mwich mi angang ngeni kolt a senisefälietä ewe kinikin ünükün senier. Iwe, Hanania, eman me lein ekewe chon föri lö, a senisefälietä ünükün. Ra senisefälietä tittin Jerusalem tori ewe Tit mi Chölap.

Johannes 5:2

Ünükün ewe Asamalapen Sip lon Jerusalem a wor eu koluk, a iteni Petesta lon kapasen Ipru. Ikenan a wor eu ut mi wor limu refirefin lon.