Nehemia 3:3 - Chuukese Bible

³ Nöün Hasena kewe mwän ra förätä ewe Asamalapen Ik. Ra pachetä irän penkasaman o amasalong ekewe asam lon lenier, ra pwal apachätä amwöchür me lokkur kewe.

Nehemia 3:3 Iomraidhean Croise

2. Kronika 33:14

Ekoch fansoun mürin, Manasa a senisefälietä ewe tit me lükün ewe telinimwen Tafit lotoun ewe puächen koluk lon Kihon lon ewe lemol tori ewe lenien tolong ngeni ewe Asamalapen Ik, a sopwela ewe tit pwelin ewe leni itan Ofel o senätä pwe a fokun tekiatä. A pwal anomu sounemenemen ekewe mwichen sounfiu lon ekewe telinimwen Juta meinisin mi pöchökül tittir.

Esra 2:35

Seni Sena ükükün ülüngeröü wonopükü ilik.

Nehemia 12:39

Seni ikenan aia feila asen ewe Asamalapen Efraim o feila ngeni ewe Asamalapen Lom, ngeni ewe Asamalapen Ik me ewe imw tekia imwen Hananel, pwal ngeni ewe imw tekia itan Ipükü tori ewe Asamalapen Sip. Iwe, aia kaüla ren ewe Asamalapen Chon Mamas.

Nehemia 2:8

Kopwe pwal ngeniei echö toropwe pwe üpwe uwala ren Asaf, ewe mi tümwünü än ewe king lenien wöllap, pwe epwe ngeniei irä pwe üpwe föri pamping seni fän iten asamalapen ewe imw pöchökül mi nom mwen ewe imwenfel, fän iten tittin ewe telinimw, pwal fän iten ewe imw üpwe nonom lon.” Iwe, ewe king a mwüt ngeniei mine üa tüngor, pun ai we Kot a etiei.

Nehemia 3:4

Meremot nöün Uria we mwän, nge Uria nöün Hakos, a senisefälietä ewe kinikin ünükün. Nge Mesulam nöün Perekia we mwän, nge Perekia nöün Mesesapel, a senisefälietä ewe kinikin ünükün senien Meremot. Iwe, Satok nöün Pana we mwän a senisefälietä ewe kinikin ünükün.

Nehemia 3:6

Joiata nöün Pasea we mwän me Mesulam nöün Pesoteia ra försefäli ewe Asamalapen Lom. Ra pachetä penkasaman o amasalong ekewe asam lon lenier, ra pwal apachätä amwöchür me lokkur kewe.

Nehemia 6:1

Iwe, Sanpalat me Topia pwal Kesem ewe re Arapia me ekewe lusun chon oputakem ra rongorong pwe üa awesala angangen ewe tit, esap pwal chüen wor eu pwang a nom won, nge lon ei fansoun üsamwo amasalong ekewe asam lon lenier.

Nehemia 7:1

Iwe, lupwen ewe tit a wes le ses, a pwal försefäl ekewe asamalap, ekewe chon mamasa ekewe asamalapen imwenfel, ekewe chon köl me ekewe mwän seni ewe ainangen Lefi ra kefilitä ngeni en me an angang.

Nehemia 7:38

Seni Sena ükükün ülüngeröü tiupükü ilik.

Kölfel 147:13

Pun i a apöchöküla lokkun asamalapom kewe o afeiöchü noum kewe aramas mi nom reöm.

Sefanaia 1:10

Iei alon ewe Samol mi Lapalap, “Lon ewe rän aramas repwe rongorong eu puchör seni ewe Asamalapen Ik me lon Jerusalem, eu ngüngüres seni ewe kinikin söfö me lon ewe telinimw me eu ngüngün ta mi leüömong seni ekewe chukutekison.