Nehemia 3:25 - Chuukese Bible

²⁵ Palal nöün Usai we mwän a senisefälietä ewe kinikin awenewenen ewe pwokuku me ewe imw tekia mi kouwu seni ewe imwen king mi nom asan arun ewe lenien chon mamas. Nge Petaia nöün Paros we mwän a senisefälietä ewe kinikin ünükün.

Nehemia 3:25 Iomraidhean Croise

Esra 2:3

Ekewe mwirimwirin Paros ükükün ruungeröü ipükü fik me ruoman.

Nehemia 12:39

Seni ikenan aia feila asen ewe Asamalapen Efraim o feila ngeni ewe Asamalapen Lom, ngeni ewe Asamalapen Ik me ewe imw tekia imwen Hananel, pwal ngeni ewe imw tekia itan Ipükü tori ewe Asamalapen Sip. Iwe, aia kaüla ren ewe Asamalapen Chon Mamas.

Nehemia 7:8

Ekewe mwirimwirin Paros ükükün ruungeröü ipükü fik me ruoman.

Nehemia 8:4

Nge Esra a ütä won eu lenien afalafal mi för seni irä, ra föri fän iten ei popun. Iwe, Matitia, Sema, Anaia, Uria, Hilkia me Maseia ra ü ünükün me lepelifichin. Nge Petaia, Misael, Malkia, Hasum, Haspatana, Sekaria me Mesulam ra ü ünükün me lepelimöngün.

Jeremaia 22:14

Feiengauen ätewe mi apasa, “Üpwe aüetä eu püsin imwei mi watte fiti rumwen won mi wämong.” Iwe, a föri asammwachon imwan, a etippa ngeni pappen ewe irä setar o peiniti ngeni peinit mi par.

Jeremaia 32:2

Lon ewe fansoun nöün ewe kingen Papilon mwichen sounfiu a pwelifeili Jerusalem fän pisekin maun. Nge ewe soufos Jeremaia a kalapusolong lon ewe lenien chon mas mi nom lon imwen ewe kingen Juta.

Jeremaia 33:1

Iwe, ewe Samol mi Lapalap a kapas ngeni Jeremaia fän aruuan, lupwen a chüen kalapus lon ewe lenien chon mas.

Jeremaia 37:21

Mürin, ewe king Setekia a awora eu allük pwe Jeremaia epwe lokkolong lon ewe lenien chon mas. Ra pwal ngeni efoch pilawa seni ewe lenien um pilawa iteiten rän tori pilawa meinisin me lon ewe telinimw a itela. Iei usun Jeremaia a nonom lon ewe lenien chon mas.

Jeremaia 38:13

Mürin ra efietä Jeremaia seni lon ewe chönüttu ren säl. Iwe, Jeremaia a chök nom lon lenien chon mas.

Jeremaia 39:8

Iwe, ekewe chon Papilon ra kenala ewe imwen king me imwen ekewe aramas, ra pwal ataetiu tittin Jerusalem.

Mika 4:8

Nge en, Jerusalem, epwe liwinsefälituk ewe nemenem ka piin eäni me lom, en ewe leni ia Kot a mamasa nöün aramas ie usun eman chon masen sip.