Nehemia 3:15 - Chuukese Bible

¹⁵ Salum nöün Kolose we mwän, ewe sounemenemen ewe fanü Mispa, a försefäli ewe Asamalapen Chönüttu. A föri sissin o amasalong ekewe asam lon lenier, a pwal apachätä amwöchür me lokkur kewe. A pwal senisefälietä ewe tit arun ewe nomun koluk itan Sela ünükün än ewe king tanipi tori ewe latö mi feitiu seni ewe telinimwen Tafit.

Nehemia 3:15 Iomraidhean Croise

2. Samuel 5:9

Mürin, Tafit a imweimw lon ewe leni mi pöchökül o aita ngeni telinimwen Tafit. Iwe, a aüetä ewe telinimw pwelin ünükün ewe leni popuetä seni ewe leni mi amasou peliötiuen ewe pal.

2. King 25:4

Mürin, ekewe sounfiu ra pwangenalong tittin ewe telinimw. Iwe, mwo än ekewe sounfiun Papilon nom pwelin ünükün ewe telinimw, ewe king me ekewe sounfiu meinisin ra süla lepwin won ewe al ngeni ewe asamalap lefilen ekewe ruu tit ren tanipin ewe king. Iwe, ra süla ngeni akawenewenen ewe lemolun Jortan.

2. Kronika 32:30

Ei mwän Hiskia a pinei michitän ewe koluk me asan lon Kihon o akusätiu pelilotou lon ewe telinimwen Tafit. Iwe, Hiskia a fefeitä lon an angang meinisin.

Nehemia 12:37

Iwe, lupwen ra tori ewe Asamalapen Chönüttu, ra fetal wenewenetä won ewe latö mi feitä ngeni ewe telinimwen Tafit o fetal won ewe al mi feitä won ewe tit asen imwen Tafit, ra pwal feila ngeni ewe Asamalapen Koluk mi nom ötiu.

Nehemia 2:14

Mürin üa pwerela ren ewe Asamalapen Chönüttu, pwal ren ewe Nomun Koluk än ewe king. Nge esap wor ia nei man üa wawa epwe chüen fetal ie.

Nehemia 2:17

Mürin üa üreniir, “Oua küna ewe weires sa nonom lon, pun Jerusalem a tala, nge asamalapan kewe ra karala. Ou etto, ousipwe senisefälietä tittin ei telinimw Jerusalem, pwe sisap chüen itengau.”

Nehemia 3:12

Nge Salum nöün Haloes we mwän, ewe sounemenemen pwal ewe esopun Jerusalem, a senisefälietä ewe kinikin ünükün, i me nöün kewe fefin.

Nehemia 3:14

Nge Malkia nöün Rekap we mwän, ewe sounemenemen ewe fanü Pet-hakerem, a försefäli ewe Asamalapen Ioien Pipi. A amasalong ekewe asam lon lenier o apachätä amwöchür me lokkur kewe.

Nehemia 3:19

Nge Eser nöün Jesua we mwän, ewe sounemenemen Mispa, a senisefälietä pwal eu kinikin ünükün awenewenen ewe al mi feitä ngeni ewe imwen iseis pisekin maun tori pwokukun ewe tit.

Nehemia 3:7

Melatia ewe re Kipeon me Jaton ewe re Meronot, ekewe re Kipeon me re Mispa ra senisefälietä ewe kinikin ünükün tori imwen kepinan ewe fanü lotoun ewe chanpupu Oifrat.

Nehemia 3:9

Refaia nöün Hur we mwän, ewe sounemenemen esopun Jerusalem, a senisefälietä ewe kinikin ünükün.

Än Salomon Afalafal 2:6

Üa föri lenien koluk, pwe üpwe achöchönü ekewe irä pwe repwe märöch.

Aisea 8:6

“Ekei aramas ra aücheangaua ekewe kolukun Siloa mi pupuöch, nge ra pwapwa ren ar pwonen atipeeu ngeni Resin ewe kingen Siria me ewe king Peka nöün Remalia we.

Jeremaia 40:6

Iwe, Jeremaia a feila ren Ketalia nöün Aikam we lon Mispa o nom ren ekewe aramas mi chüen nom lon ewe fanü.

Lukas 13:4

Are ifa usun, ekewe engol me waluman aramas mi mäla, lupwen ewe imw tekia lon Siloam a turutiu wor? Oua ekieki, pwe ir ra kon tipis lap seni ekewe aramas meinisin mi nom lon Jerusalem?

Johannes 9:7

Iwe, a üreni, “Kopwe feila ores lon ewe koluk Siloam.” (Wewen Siloam ‘tinala’) Iei mine ewe mwän a feila o oresi mesan, iwe, a liwinto o küna mwan.

Soukapwüng 20:1

Mürin, ekewe aramasen Israel meinisin ra feito seni ewe telinimw Tan mi nom efeng me Persepa mi nom ör, pwal seni ewe fanü Kiliat mi nom ötiu. Ra chufengen fän tipeeu fän mesen ewe Samol mi Lapalap me lon Mispa.

Soukapwüng 20:3

Nge ekewe chon Peniamin ra rong pwe ekewe aramasen Israel ra feila Mispa. Iwe, ekewe aramasen Israel ra üreni ewe mwän seni ewe ainangen Lefi, “Kopwe apworausa ngenikem usun ei föför mi fokun ngau a fis.”