Nehemia 3:14 - Chuukese Bible

¹⁴ Nge Malkia nöün Rekap we mwän, ewe sounemenemen ewe fanü Pet-hakerem, a försefäli ewe Asamalapen Ioien Pipi. A amasalong ekewe asam lon lenier o apachätä amwöchür me lokkur kewe.

Nehemia 3:14 Iomraidhean Croise

2. Samuel 4:2

A wor ruoman mwän ren Isiposet, ir meilapen ewe mwichen sounfiu mi kütta liaper, iten eman Paana, iten pwal ewe eman Rekap. Ätekei nöün Rimon mwän ewe re Peniamin seni Perot. Iwe, Perot a nom lon kinikinin ewe fanü Peniamin.

2. King 10:15

Iwe, lupwen Jehu a feila seni ikenan, a churi Jonatap nöün Rekap we mwän, pun a feito pwe epwe churi. Jehu a kapong ngeni o aisini, “Ifa usun, lelukom a wenechar ngeniei usun lelukei ngonuk?” Jonatap a pälüeni, “Ewer.” Mürin, Jehu a üreni, “Ika a iei usun, sipwe kamwöchüpöüfengen.” Iei mine ra kamwöchüpöüfengen, nge Jehu a amwöchätä, pwe epwe mot ren won waan woken.

1. Kronika 6:40

Simea nöün Mikael, Mikael nöün Paseia, Paseia nöün Malkia,

Nehemia 12:31

Mürin üa amwichafengeni ekewe samolun Juta won ewe tit o filätä ruu mwichen köl mi chocho, pwe repwe fetal won ewe tit o kölün kilisou. Eu mwich a fetal ngeni pelifich tori ewe Asamalapen Pipi.

Nehemia 2:13

Iwe, üa towu seni ewe telinimw ren ewe Asamalapen Lemol lepwin o feila ren ewe Chönüttu Foks, pwal ren ewe Asamalapen Ioien Pipi. Üa ouwasacha tittin ewe telinimw Jerusalem mi tatiu me asamalapan kewe mi karala ren ekkei.

Nehemia 3:9

Refaia nöün Hur we mwän, ewe sounemenemen esopun Jerusalem, a senisefälietä ewe kinikin ünükün.

Jeremaia 6:1

Ämi chon ewe ainangen Peniamin, oupwe sü seni Jerusalem o sü ngeni anaie oupwe kinamwe me ie. Oupwe ettiki ewe rappwa me lon Tekoa, oupwe aüetä eu asisil won Pet-akerem, pun feiengau me tatakis mi watte epwe feito seni efeng.