Nehemia 2:8 - Chuukese Bible

⁸ Kopwe pwal ngeniei echö toropwe pwe üpwe uwala ren Asaf, ewe mi tümwünü än ewe king lenien wöllap, pwe epwe ngeniei irä pwe üpwe föri pamping seni fän iten asamalapen ewe imw pöchökül mi nom mwen ewe imwenfel, fän iten tittin ewe telinimw, pwal fän iten ewe imw üpwe nonom lon.” Iwe, ewe king a mwüt ngeniei mine üa tüngor, pun ai we Kot a etiei.

Nehemia 2:8 Iomraidhean Croise

Keneses 32:28

Nge ewe mwän a üreni, “Kosap chüen iteni Jakop, pwe kopwe iteni Israel . Pun ka fiu ngeni Kot me aramas, nge en ka win.”

Esra 5:5

Nge Kot a mamasa ekewe souakomwen chon Juta. Iwe, ekewe nöüwisen Persia resap aükätiu ar angang tori echö repoot epwe tori Tarius, nge Tarius epwe tinala pälüan lon echö toropwe.

Esra 6:22

Lon ükükün fisu rän ra pwal föri ewe chulapen mongö pilawa esap wor iis lon fän pwapwa, pun ewe Samol mi Lapalap a apwapwaar ren an akulu leluken ewe kingen Asiria ngeniir, pwe a alisiir lon angangen ewe imwen Kot, ewe Koten Israel.

Esra 6:8

Nge üa pwal föri eu allük usun mine oupwe föri ngeni ekei souakomwen chon Juta fän iten kaüsefälin ei imwen Kot. Ewe liwin epwe unus ngeni ekei mwän. Epwe towu seni än ewe king lenien iseis moni seni takisesin ewe fanü lotoun ewe chanpupu Oifrat, pwe ewe angang esap kaüla.

Esra 7:6

Ei mwän Esra eman soumak mi fokun silei ekewe allük ewe Samol mi Lapalap ewe Koten Israel a ngeni Moses. Iwe, pokiten ewe Samol mi Lapalap an we Kot a ümöümöch ngeni, iei mine ewe king a mwüt ngeni meinisin mine a tüngor.

Esra 7:9

Lon aeuin ränin ewe aeuin maram Esra a popuetä an sai seni Papilon, nge lon aeuin ränin ewe alimuen maram a tori Jerusalem, pun an we Kot a ümöümöch ngeni.

Nehemia 7:2

Mürin, üa awisa Hanani pwii we me Hanania ewe meilapen imwen maun pwe repwe nemeni Jerusalem. Hanania eman mwän mi fokun allükülük, a pwal niuokusiti Kot lap seni chomong chienan kewe.

Än Salomon Fos 21:1

Leluken eman king a nom lepöün ewe Samol mi Lapalap. A emwenifetalei usun chök an afetala eu chanpupu ia a mochen afetalala ie.

Än Salomon Afalafal 2:5

Üa pwal föri tanipi me leni mi amassawa o fotukätiu chomong sokun irä mi ua lon.

Än Salomon Afalafal 2:6

Üa föri lenien koluk, pwe üpwe achöchönü ekewe irä pwe repwe märöch.

Aisea 66:14

Lupwen oupwe küna mine a fis lon Jerusalem, letipemi epwe meseik, nge inisimi epwe öümanau usun fetil mi pwüküfö. Mürin, epwe pwä pwe ngang ewe Samol mi Lapalap üa alisi nei chon angang, nge üa song ngeni chon oputaei.”

Taniel 1:9

Iwe, Kot a angang lon leluken Aspenas pwe a eäni ümöümöch me tong ngeni Taniel.

Föför 26:22

Nge tori ikenai Kot a alisiei, iei mine üa ütä ikei o pwärätä mine a let ngeni aramas meinisin, seni ekewe mi kis tori ekewe mi lap. Iwe, mine üa eäni afalafal a wewefengen me mine ekewe soufos me Moses ra afalafala pwe epwe fis,

Föför 7:10

o amanaua seni an kewe riaföü meinisin. Iwe, Kot a ngeni Josef mirit o atufichi i pwe epwe küna chen me ren ewe kingen Isip. Iei mine Farao a seikätä i pwe epwe wiseni ewe wisen kepina lon unusen Isip o nemeni imwan kewe meinisin.

2. Korint 8:16

Iwe, aia kilisou ngeni Kot ren an atolonga lon letipen Titus pwe epwe achocho le alisikemi usun chök pwal äm.