Nehemia 2:7 - Chuukese Bible

⁷ Iwe, üa üreni ewe king, “Ika a öch me reöm en ai king, kopwe makei echö toropwe pwe üpwe uwala ren ekewe kepina lon ewe fanü lotoun ewe chanpupu Oifrat, pwe ir repwe mwüt ngeniei pwe üpwe sai tori ai üpwe tori Juta.

Nehemia 2:7 Iomraidhean Croise

Esra 6:6

Mürin Tarius a makei pälüen ewe toropwe: “En Tatenai kepinan ewe fanü lotoun ewe chanpupu Oifrat me Setar-posenai, pwal ämi chiechier kewe mi nom lon ewe fanü lotoun ewe chanpupu Oifrat, oupwe feila seni ewe leni.

Esra 7:21

Nge ngang Artaksasta ewe king üa allük ngeni ämi meinisin chon iseis moni lon ewe fanü lotoun ewe chanpupu Oifrat, pwe oupwe müttir awora ngeni ewe souasor Esra, ewe soumaken ewe allük än ewe Koten läng, meinisin mine a tüngor senikemi.

Esra 8:22

Pun üa säw le tüngorei ewe king eu mwichen sounfiu me chon wawa oris repwe tümwünükem won alem seni chon oputakem, pokiten üa üreni ewe king pwe äm Kot a afeiöchü meinisin mi lükü i, nge an song mi watte a tori meinisin mi likitala i.

Esra 8:36

Iwe, ra pwal angei ewe toropwe seni ewe king o ngeni nöün ewe king kewe sounemenem me ekewe kepinan ewe fanü lotoun ewe chanpupu Oifrat. Mürin ir ra atowu ar alilis ngeni ekewe aramas pwal ngeni ewe imwen Kot.

Nehemia 2:9

Ewe king a pwal tinala ekoch meilapen mwichen sounfiu me eu mwichen chon wawa oris pwe repwe etiei. Iwe, lupwen üa tori ekewe kepina lon ewe fanü lotoun ewe chanpupu Oifrat, üa ngeniir nöün ewe king kewe toropwe.

Nehemia 3:7

Melatia ewe re Kipeon me Jaton ewe re Meronot, ekewe re Kipeon me re Mispa ra senisefälietä ewe kinikin ünükün tori imwen kepinan ewe fanü lotoun ewe chanpupu Oifrat.