Nehemia 2:5 - Chuukese Bible

⁵ Nge üa üreni ewe king, “Ika a öch me reöm, en ai king, nge ngang noum ei chon angang üa küna ümöümöch me reöm, kopwe mwüt ngeniei pwe üpwe feila Juta ren ewe telinimw ia peiasen ai kewe lewo ra nom ie, pwe üpwe aüsefälietä.”

Nehemia 2:5 Iomraidhean Croise

2. Samuel 14:22

Iwe, Joap a chapetiu lepwül, a asamolu o afeiöchü ewe king. A apasa, “Ikenai ngang noum chon angang üa silei pwe üa küna ümöümöch me reöm, ai samol me ai king. Pun ka mwütätä ai we tüngor.”

Esra 5:17

Iei mine ika a öch me reöm, en äm king, kopwe kütta lon än ekewe king puken uruwo lon Papilon pwe kopwe küna ika ei allük a pwüngüla me ren ewe king Sirus fän iten kaüsefälin ei imwen Kot lon Jerusalem. Mürin kopwe asile ngenikem mefiom won ei pworaus.”

Nehemia 2:4

Iwe, ewe king a aisiniei, “Met ka mochen tüngor seniei?” Mürin üa iotek ngeni ewe Koten läng.

Nehemia 2:6

Mürin, ewe king a aisiniei, nge ewe kiwiin a mot ünükün, “Ifa ükükün fansoun om kopwe nonom ikenan, nge inet kopwe liwinsefälito?” Iwe, üa üreni ükükün fansoun ai üpwe nonom ikenan. Mürin ewe king a tipeeu ngeni ai tüngor o mwüt ngeniei pwe üpwe feila.

Ester 1:19

Are en äm king ka tipeeu ngeni, kopwe föri eu allük pwe Fasti esap chüen feito fän mesen ewe king. Ei allük epwe pach ngeni allükün Persia me Metia, pwe esap wor eman a tongeni siwili. Mürin en äm king kopwe angei seni wisan wisen kiwiin o ngeni eman mi mürina seni.

Ester 5:8

Are üpwe küna ümöümöch me reöm, en ai king, nge are kopwe mwüt ngeniei ai tüngor o apwönüötä ei mochen, en ai king me Haman oupwe feito lesor ren ewe kametip üpwe amolätä fän itemi. Iwe, lesor üpwe pälüeni mine ka ais ngeniei.”

Ester 7:3

Mürin, kiwiin Ester a pälüeni, “Are üa küna ümöümöch me reöm en ai king, are en ai king kopwe mwütätä ai tüngor, kose mochen kopwe amanauaei me aramasei meinisin.

Ester 8:5

Iwe, a apasa, “Are en ai king ka mochen, ika üa küna ümöümöch me reöm, are ei mettoch epwe pwüng me reöm en ai king, ika ka tongeei, kopwe makei eu allük mi siwili pwüngün ewe allük Haman nöün Hametata ewe mwirimwirin Akak a apwüngala, pwe epwe arosala ekewe chon Juta mi nom lon ekewe sop meinisin ra nom fän nemeniom.

Än Salomon Fos 3:4

Are kopwe föri ei, kopwe küna ümöümöch me iteüöch me ren Kot me aramas.

Taniel 9:25

Kopwe silei o weweiti ei: Seni fansoun ewe kapas a towu pwe Jerusalem epwe kaüsefäl tori waren ewe sounemenem, ätewe mi kepit, ükükün fisu fän fisu ier repwe la. Iwe, Jerusalem epwe kaüsefäl, epwe pwal wor alan me an lenien chulap. Epwe nom lon ükükün fisu fän wone me ruu ier, nge epwe eu fansoun osupwang.

Mateus 23:27

Feiengauemi, ämi Sensen Allük me Farisi! Ämi chon likatuputup! Oua usun chök ekewe peias mi peinitipwech ra lingöch me lükün, nge lon ra ur ren chün aramas me machen somä.

Rut 2:13

Mürin Rut a üreni, “Ka fokun ümöümöch ngeniei, ai samol, pun ka echipaei o kapas pwetete ngeni noum chon angang fefin, inamwo ika sap ngang eman lein noum kei chon angang fefin.”