Nehemia 2:4 - Chuukese Bible

⁴ Iwe, ewe king a aisiniei, “Met ka mochen tüngor seniei?” Mürin üa iotek ngeni ewe Koten läng.

Nehemia 2:4 Iomraidhean Croise

2. Samuel 15:31

Lupwen eman a asile ngeni Tafit pwe Ahitofel a nom lein chokewe mi fiti Apsalom lon an raw, Tafit a iotek, “Ai Samol mi Lapalap, üa tüngor ngonuk pwe kopwe sorei än Ahitofel öüröür pwe epwe fokun mwäl.”

1. King 3:5

Lon ewe pwin ewe Samol mi Lapalap a pwä ngeni Salomon lon an tan me lon Kipeon o üreni, “Met ka mochen ngang üpwe fang ngonuk.”

Nehemia 1:11

Ai Samol, kopwe aüselinga ai iotek, pwal än noum kewe chon angang iotek, ir mi pwapwa le meninituk. Kose mochen kopwe atufichiei ngang noum chon angang ikenai o mwüt ngeniei pwe üpwe küna ümöümöch me ren ei king.” Lon ei fansoun ngang eman chon amolätä ünümen ewe king.

Nehemia 1:4

Iwe, lupwen üa rongorong ei pworaus, üa mottiu o kechü, üa ngüngüres ekoch rän o echikefel me iotek fän mesen ewe Koten läng.

Nehemia 1:5

Üa apasa, “Ai Samol mi Lapalap Koten läng, en ewe Kot mi tekia, äm aia niuokusituk. Ka apwönüetä om pwon me tong ellet ngeni chokewe mi echenuk o aleasochisi om kewe allük.

Nehemia 2:20

Mürin üa üreniir, “Ewe Koten läng epwe atufichikem lon ei angang. Äm nöün chon angang, aipwe popuetä le senisefälietä ewe tit. Nge ämi, esap wor wisemi, esap wor ämi pwüng ika ämi uruwo lon Jerusalem.”

Nehemia 2:5

Nge üa üreni ewe king, “Ika a öch me reöm, en ai king, nge ngang noum ei chon angang üa küna ümöümöch me reöm, kopwe mwüt ngeniei pwe üpwe feila Juta ren ewe telinimw ia peiasen ai kewe lewo ra nom ie, pwe üpwe aüsefälietä.”

Ester 5:3

Mürin, ewe king a aisini, “Met om mochen, kiwiin Ester? Meinisin mine kopwe tüngor seniei epwe toruk, inamwo ika esopun mwüi.”

Ester 5:6

Nge lupwen ra ünümi wain, ewe king a aisini Ester, “Met ka wesewesen mochen? Epwe chök mwümwü ngonuk. Ika met om tüngor? Epwe toruk, inamwo ika esopun mwüi.”

Ester 7:2

Nge lon ewe aruuen rän, lupwen ra ünümi wain, ewe king a aisinisefäli Ester, “Met ka wesewesen mochen, kiwiin Ester? Epwe chök mwümwü ngonuk. Ika met om tüngor? Epwe toruk, inamwo ika esopun mwüi.”

Kölfel 136:26

Oupwe kilisou ngeni ewe Koten läng, an tong ellet a nonom tori feilfeilachök.

Än Salomon Fos 3:6

Kopwe chechemeni i won meinisin mine ka föri, nge i epwe aiti ngonuk ewe al mi pwüng.

Markus 10:51

Iwe, Jesus a üreni, “Met ka mochen üpwe föri ngonuk?” Ewe mwän mi chun a pölüeni, “Sense, ngang üa mochen pwe üpwe küna mwei.”

Föför 23:19

Ewe sounemenem a kamwöch pöün ewe alüal, a emwenala ekis o aisini, “Met ka mochen asile ngeniei?”

Filipi 4:6

Ousap lolilenäsini och mettoch, nge lon ämi osupwang meinisin oupwe iotek o tüngor ngeni Kot pwe epwe alisikemi. Oupwe tüngor fansoun meinisin fän kilisou.