Nehemia 2:3 - Chuukese Bible

³ o üreni ewe king, “Amwo ewe king epwe manau tori feilfeilachök. Pwota üsap wololilen are ewe telinimw lenien peiasen ai kewe lewo a tatakis, nge asamalapan kewe ra karala ren ekkei?”

Nehemia 2:3 Iomraidhean Croise

1. King 1:31

Mürin, Patsipa a chapetiu, a asamolu ewe king Tafit o üra, “Amwo en ai samol me ai king kopwe manau tori feilfeilachök.”

2. King 25:8

Iwe, lon afisuen ränin ewe alimuen maram, iei ewe engol me tiuen ierin mwün ewe king Nepukatnesar seni Papilon, Napusaratan ewe meilapen sounfiu mi wisen tümwünü ewe king, i eman nöün ewe kingen Papilon nöüwis, a tolong Jerusalem.

2. Kronika 21:20

Jehoram a ierini ilik me ruu, lupwen a tolong lon wisan wisen king. A nom lon Jerusalem o nemenem lon ükükün walu ier. Iwe, a mäla, nge esap wor eman a letipeta usun. Ra peiaseni lon ewe telinimwen Tafit, nge sap lon peiasen ekewe king.

2. Kronika 28:27

Ahas a mäla, nge ra peiaseni lon ewe telinimw Jerusalem, nge resap peiaseni lon peiasen ekewe kingen Israel. Iwe, Hiskia nöün we mwän a siwili lon wisan wisen king.

2. Kronika 32:33

Iwe, Hiskia a mäla, nge ra peiaseni won ewe pal mi nom asen peiasen ekewe mwirimwirin Tafit. Iwe, chon Juta me chon Jerusalem meinisin ra pwärätä ar asamolu, lupwen a mäla. Nge Manasa nöün we mwän a siwili lon wisan wisen king.

2. Kronika 36:19

Iwe, ra kenala ewe imwenfel o ataetiu tittin Jerusalem, ra pwal kenala ekewe imw watte o ataela ekewe pisek aüchea meinisin.

Nehemia 1:3

Mürin ra üreniei, “Ekewe mi chüen manau seni ar oola o liwiniti ewe fanü ra nom lon weires watte me itengau. Tittin ewe telinimw Jerusalem a chüen tatiu, nge asamalapan kewe mi karala resamwo försefäl.”

Nehemia 2:13

Iwe, üa towu seni ewe telinimw ren ewe Asamalapen Lemol lepwin o feila ren ewe Chönüttu Foks, pwal ren ewe Asamalapen Ioien Pipi. Üa ouwasacha tittin ewe telinimw Jerusalem mi tatiu me asamalapan kewe mi karala ren ekkei.

Ester 8:6

Pun ifa usun, epwe tufich ngeniei pwe üpwe nengeni ewe feiengau epwe tori aramasei? Are ifa usun, üpwe tongeni nengeni mälan ai famili?”

Kölfel 102:14

Pun noum kewe chon angang ra aücheani föün Sion o tongei pwülün mi moromor.

Kölfel 102:15

Chon ekewe mwü repwe meniniti ewe Samol mi Lapalap, nge ekewe kingen fanüfan meinisin repwe niuokusiti an ling.

Kölfel 137:6

Chönawei epwe pachätä fän fongochi, are üsap chechemenuk, are üsap ekieki pwe en, Jerusalem, kopwe ai pwapwa lap seni mettoch meinisin.

Kölfel 38:7

Üa samaun pwichikar, esap fokun wor pöchökülen inisi.

Jeremaia 52:12

Iwe, lon ewe aengolun ränin ewe alimuen maram, iei ewe engol me tiuen ierin mwün Nepukatnesar ewe kingen Papilon, Nepusaratan ewe meilapen chon tümwünü ewe king, i eman nöün ewe kingen Papilon nöüwis, a tolong Jerusalem.

Kölün kechü 2:9

Ekewe asamalapen Sion ra irela fän ekewe ioien mettoch mi ta. Kot a kupi o atatakisi amwöchür kewe. Än Sion kewe king me ekewe samol ra oola lein chon ekewe mwü. Esap chüen wor eman a aiöü ngeni aramas ewe allük, esap chüen wor künan ekewe soufos me ren ewe Samol mi Lapalap.

Taniel 2:4

Mürin, ekewe souürür ra üreni ewe king lon fosun Aramaik, “Amwo ewe king epwe manau tori feilfeilachök. Kose mochen kopwe apworausa ngenikem om we tan, nge äm aipwe awewe ngonuk wewen.”

Taniel 3:9

Ra üreni ewe king Nepukatnesar, “Amwo ewe king epwe manau tori feilfeilachök.

Taniel 5:10

Iwe, lupwen ewe kiwin inen ewe king a rongorong mwökütükütün ewe king me nöün kewe samol, a tolong lon ewe lenien kametip o apasa, “Amwo ewe king epwe manau tori feilfeilachök. Esap wor popun pwe kopwe niuokus ika epwe siwil wowomw.

Taniel 6:21

Nge Taniel a pälüeni, “Amwo ewe king epwe manau tori feilfeilachök.

Taniel 6:6

Iei mine ekewe nöüwis tekia me ekewe kepina ra kiito ren ewe king o üreni, “Amwo äm king Tarius epwe manau tori feilfeilachök.

Lifitikos 26:31

Üpwe atai ämi kewe telinimw o apönü ämi kewe leni mi pin. Üsap fokun etiwa ämi kewe asor oua keni.